Бразилия футболшылары мінген ұшақ апатқа ұшырады

Бразилия футбол командасының чартерлік ұшағы Колумбияда апат ұшырады. Бұл туралы Гардиан басылымы осы елдің ресми адамдарына сілтеме жасап хабарлайды. Ұшақ Колумбияның Медельин әуежайына баруы тиіс болған. Әуежайдың Туиттердегі аккаунты ұшақтың Боливиядан шыққанын жазған және жолда төтенше жағдайға ұшырағанын растады. Соңғы мəліметтерге қарағанда бірнеше адам тірі қалған жəне оның бірі футболшы. Жергілікті баспасөз чартерлік рейсте Бразилияның «Шапекоэнсе» командасы, барлығы 72 адам болғанын хабарлайды. Өзге мәліметтер бойынша жолаушылар саны - 81. Команда 30 қараша күні Оңтүстік Америка кубогі финалында Атлетико Насиональ клубымен кездесуі тиіс болған. «Шапекоэнсе» командасы Бразилия чемпионатының жоғарғы дивизионында ойнайды. Команда капитаны Клебер Сантана бір кезде Мадридтің «Атлетико» клубында ойнаған.