Пәтер кілттері табысталды

Қазақстан Республикасы Ұлттық ұланының Бас қолбасшылығында Тұңғыш Президент күніне арналған мерекелік іс-шара өтті. Соны­мен бірге, осы жиынның аясында Бас қолбасшылықтың әскери қызмет­шілеріне Ұлттық ұлан Бас қолбасшысы генерал-лейтенант Руслан Жақ­сылықов қызметтік пәтерлердің кілттерін салтанатты түрде табыс етті. Мемлекеттік мереке – Қазақ­стан Республикасы Тұңғыш Прези­денті күніне арналған жиында Ішкі істер министрі мен Ұлттық ұлан Бас қолбасшысының қоғамдық тәртіп пен мемлекет қауіпсіздігін қамтамасыз етуге елеулі үлес қосып, үздік қыз­­ме­тімен дараланған әске­ри қыз­метшілерді, ықпалдас­тық құ­рылымдарының қызмет­кер­лерін марапаттауға арналған бұй­рықтары оқылатын болады. Мұ­нан соң Ұлттық ұлан Бас қол­басшылығының офицерлеріне қызметтік пәтердің кілттері салтанатты түрде табысталатын болады. Әскери қызметшілердің әлеу­меттік лайықты қорғалуын қам­тамасыз ету мен оларды баспанамен қамту мәселесіне Ұлттық ұлан Бас қолбасшылығы ұдайы баса назар аударып келеді. Бұл мақсатта жыл сайын қомақты қаражат қарастырылып, жаңа пәтерлер сатып алынуда. Биылғы елдігіміздің асқақ мерекесі – Тәуелсіздіктің 25 жылдығы қарсаңында бұл дәстүр оң жалғасын тауып, әскер тарихында алғаш рет 39 әске­ри қызметшіге бір мезгілде қыз­меттік пәтерлердің кілттері табыс етіліп отыр. Бұл баспаналарды сатып алуға республикалық бюджеттен 900 миллион теңге бөлінген болатын. Атап өтерлігі, биылғы жылы пәтер кілттерін Бас қолбас­шы­лық­тың офицерлері алды. Ал, келер 2017-2018 жылдарға бекі­тілген жоспарға сәйкес, осыншама шамадағы баспанамен Ұлт­тық ұланның еліміздің әр өңір­лерін­дегі әскери бөлімдерінің әскери қызметшілерін қамтамасыз ету қарастырылып отыр. Салтанатты іс-шара мерекелік концертпен аяқталды. Асқар ТҰРАПБАЙҰЛЫ, «Егемен Қазақстан»