Фото GETTY IMAGES
Қытайда 21 жыл бұрын ең ауыр жазаға кесіліп, өлтірілген адамды ақтайтын сот шешімі шықты. Бұл туралы ВВС News хабарлайды. Хэбэй провинциясының тұрғыны Ние Шубин 1995 жылы әйел зорлап, өлтірді деген айып бойынша кінәлі табылып, 20 жасында атылып кеткен. Бүгін Жоғарғы сот Ние Шубиннің кінәсін дәлелдейтін фактілер жеткіліксіз деген шешім шығарды. 20 жылдан аса уақыт бойы Ниенің жазықсыз атылғанын дәлелдеу үшін күрескен жақындары өздерін қолдаған адамдарға алғыс айтты. Бір айта кетерлігі, 11 жыл бұрын екі әйелді өлтірген Ван Шужинь есімді сотталушы осы қылмысты өзі жасағанын мәлімдеген екен. Бірақ сот оның сөзіне қаперге алмаған. ВВС-дің хабарлауы бойынша, Қытай соттары қылмыстық істердің 99 пайызына ашылды деп үкім шығарады. Жылына мыңдаған адам өлім жазасына кесіледі, бірақ олардың саны мемлекеттік құпия болып саналады. Қытайда cот шешімдерінің қайта қаралып, сотталушының ақталуы өте сирек кездеседі. 2014 жылы Ішкі Моңғолия провинциясында 18 жыл бұрын сот үкімі бойынша өлтірілген жасөспірім ақталды. Марқұмның әке-шешесіне 30 000 юань (1 500 000 теңге) төленіп, ол іске жауапты 27 лауазымды тұлға жазаланды. ВВС-дің Пекиндегі тілшісінің айтуынша, Ние Шубин ісі Қытайдағы ең атышулы істердің бірі болған.
Наи Шубин
Ван Шужинь
