Берекелі Бейнеуден кейін «Менің Қазақстаным» үгіт-насихат пойызының сапары Батыс Қазақстан облысының Ақсай, Қызылорда облысының Арал қаласында жалғасты.
Ақсай қаласында ауданның әр түкпірінен денсаулық сақтау, қаржы, әділет, банк салалары бойынша кеңес сұрауға келген жұртшылық алдына Батыс Қазақстан облысы әкімінің орынбасары Ербол Салықов, Арал қаласында аудан әкімі Нәжмәдин Мұсабаев шықты.
Одан соң, пойыздың жолаушылары өз жұмыстарын жалғастырды. Ақсай қаласында Еңбек және әлеуметтік қорғау министрлігінің маманы Раушан Көшкімбекова жиырмадан астам адамды қабылдап, біраз мәселенің оң шешілуіне септігін тигізді. Мәселен, ол бүйрегі ауыратын 13 адамның Ақсай қаласында емделуіне жағдай жасау үшін қолдау хат жіберді. Бұл адамдар осы күнге дейін қан тазарту үшін Орал қаласына барады екен. Ал бұған көп адамдар шыдамайтын көрінеді. Сондықтан олар аудан орталығынан қан тазартуды ұйымдастыруға қол ұшын беруді өтініп келіпті. Осы жерде Зәру Өтепбергенова деген Бестау ауылының тұрғынының мәселесі де шешілді. Ол енді 60 000 теңге айлық алатын еден жуушы болып жұмысқа орналасатын болды. Сонымен бірге, онда Базарбай Әлікеновтің баспаналы болу, Қалдыгүл Асылбекованың декреттен кейін еңбек демалысын алу туралы өтініштері қанағаттандырылса, зейнеткерлер, Ұлы Отан соғысының ардагерлері мен мүгедектер зейнетақы, жәрдемақы алу үшін аудандық жұмыспен қамту және әлеуметтік бағдарламалар орталығының жанынан жаңадан зейнетақыны төлеу жөніндегі мемлекеттік орталық салып беру туралы өтініш айтты.
Кездесуде министрлік маманы аталған мәселені шешуге тиісті органдарға қолдау хат жіберетінін ескертті. Арал қаласында болған қабылдауларда да осыған ұқсас мәселелер көтерілді. Мұнда зейнет жасын азайту, жәрдемақыны тағайындау, мүгедектердің мұн-мұқтажын орталық мемлекеттік орындарға жеткізу мәселелері сөз болып, оларға жауап берілді. Денсаулық сақтау министрлігінің мамандары болса, бұған дейін хабарлағанымыздай, әрбір аялдаған жерлерде 300-500-дей азаматтарды қабылдаған. Ақсай қаласында олардың қабылдауында 193 адам болды. Соның ішінде 38 адамның ауруы анықталып, оларға тиісті көмек көрсетілді.
Содан кейін Арал қаласында өткен кездесуде де азаматтардың барлық мұн-мұқтажы, талап-тілектері ескеріліп, оларға да түрлі кеңес берілді. Осы екі қалада тұрғындарға кардиолог Мұрат Мұқаров, невропотолог Сеңгелбай Шекей, көз дәрігері Күлбаршын Тұрмашева, эндокринолог Рахат Тримова, акушер-гинеколог Беркі Пірімбетов түрлі тақырыпты кеңес берсе, пойыз құрамына көмек көрсетуші Айдын Мұратов пен дәрігерлер тобының жетекшісі, Денсаулық сақтау министрлігінің бас сарапшысы Ернар Мырзақұлов жұртшылыққа ұйымдастырушылық жұмыстарын жүргізу бойынша көмектерін көрсетіп отырды. Мерекелік пойыздың тағы бір мүшелері Әділет министрлігінің өкілі Кенжеболат Балтабаев пен ұлттық банктің маманы Жәнібек Әбдіғазимов та өздеріне тиесілі жұмыстарды лайықты атқарғанын айтуға болады. Мұнда заң және құқық саласы бойынша адамдар көбіне баспана, жер алу, ажырасу мәселелерін айтып, құқық органдарының заңсыз әрекеттеріне арызданып келсе, қаржы мәселесінде азаматтар өмірді, мүлікті сақтандыру, зейнетақы жинақтау қорынан қайтыс болған адамның ақшасын мұрагерлікпен алу, қаржылық дағдарыс кезінде алған несиені қайтару сияқты көптеген мәселелерді қозғап, тиісті жауаптарын алды.
Мерекелік пойыздың мүшелері бүгін Арал қаласында белгіленген жұмыстарды әрі қарай жалғастырады. Онда Астананың ыстық сәлемін Сыр өңіріне әкелген Олимпиада чемпиондары Ермахан Ыбырайымов пен Юрий Мельниченко жас спортшыларға шеберлік кластарын көрсетсе, Қазақстанның халық әртістері Нұрғали Нүсіпжанов пен Алтынбек Қоразбаев, «Бәйтерек» тобы, «Гүлдер», «Әлқисса» ансамбльдері, әншілер Бағдат Сәмединова, Сүлеймен Ибрагимов, Медет Шайкелов, Евгений Шахрай және басқа да өнерпаздар қаланың орталық алаңында өнер көрсетпек.
Дастан КЕНЖАЛИН, Арал.
Ақсай қаласында ауданның әр түкпірінен денсаулық сақтау, қаржы, әділет, банк салалары бойынша кеңес сұрауға келген жұртшылық алдына Батыс Қазақстан облысы әкімінің орынбасары Ербол Салықов, Арал қаласында аудан әкімі Нәжмәдин Мұсабаев шықты.
Одан соң, пойыздың жолаушылары өз жұмыстарын жалғастырды. Ақсай қаласында Еңбек және әлеуметтік қорғау министрлігінің маманы Раушан Көшкімбекова жиырмадан астам адамды қабылдап, біраз мәселенің оң шешілуіне септігін тигізді. Мәселен, ол бүйрегі ауыратын 13 адамның Ақсай қаласында емделуіне жағдай жасау үшін қолдау хат жіберді. Бұл адамдар осы күнге дейін қан тазарту үшін Орал қаласына барады екен. Ал бұған көп адамдар шыдамайтын көрінеді. Сондықтан олар аудан орталығынан қан тазартуды ұйымдастыруға қол ұшын беруді өтініп келіпті. Осы жерде Зәру Өтепбергенова деген Бестау ауылының тұрғынының мәселесі де шешілді. Ол енді 60 000 теңге айлық алатын еден жуушы болып жұмысқа орналасатын болды. Сонымен бірге, онда Базарбай Әлікеновтің баспаналы болу, Қалдыгүл Асылбекованың декреттен кейін еңбек демалысын алу туралы өтініштері қанағаттандырылса, зейнеткерлер, Ұлы Отан соғысының ардагерлері мен мүгедектер зейнетақы, жәрдемақы алу үшін аудандық жұмыспен қамту және әлеуметтік бағдарламалар орталығының жанынан жаңадан зейнетақыны төлеу жөніндегі мемлекеттік орталық салып беру туралы өтініш айтты.
Кездесуде министрлік маманы аталған мәселені шешуге тиісті органдарға қолдау хат жіберетінін ескертті. Арал қаласында болған қабылдауларда да осыған ұқсас мәселелер көтерілді. Мұнда зейнет жасын азайту, жәрдемақыны тағайындау, мүгедектердің мұн-мұқтажын орталық мемлекеттік орындарға жеткізу мәселелері сөз болып, оларға жауап берілді. Денсаулық сақтау министрлігінің мамандары болса, бұған дейін хабарлағанымыздай, әрбір аялдаған жерлерде 300-500-дей азаматтарды қабылдаған. Ақсай қаласында олардың қабылдауында 193 адам болды. Соның ішінде 38 адамның ауруы анықталып, оларға тиісті көмек көрсетілді.
Содан кейін Арал қаласында өткен кездесуде де азаматтардың барлық мұн-мұқтажы, талап-тілектері ескеріліп, оларға да түрлі кеңес берілді. Осы екі қалада тұрғындарға кардиолог Мұрат Мұқаров, невропотолог Сеңгелбай Шекей, көз дәрігері Күлбаршын Тұрмашева, эндокринолог Рахат Тримова, акушер-гинеколог Беркі Пірімбетов түрлі тақырыпты кеңес берсе, пойыз құрамына көмек көрсетуші Айдын Мұратов пен дәрігерлер тобының жетекшісі, Денсаулық сақтау министрлігінің бас сарапшысы Ернар Мырзақұлов жұртшылыққа ұйымдастырушылық жұмыстарын жүргізу бойынша көмектерін көрсетіп отырды. Мерекелік пойыздың тағы бір мүшелері Әділет министрлігінің өкілі Кенжеболат Балтабаев пен ұлттық банктің маманы Жәнібек Әбдіғазимов та өздеріне тиесілі жұмыстарды лайықты атқарғанын айтуға болады. Мұнда заң және құқық саласы бойынша адамдар көбіне баспана, жер алу, ажырасу мәселелерін айтып, құқық органдарының заңсыз әрекеттеріне арызданып келсе, қаржы мәселесінде азаматтар өмірді, мүлікті сақтандыру, зейнетақы жинақтау қорынан қайтыс болған адамның ақшасын мұрагерлікпен алу, қаржылық дағдарыс кезінде алған несиені қайтару сияқты көптеген мәселелерді қозғап, тиісті жауаптарын алды.
Мерекелік пойыздың мүшелері бүгін Арал қаласында белгіленген жұмыстарды әрі қарай жалғастырады. Онда Астананың ыстық сәлемін Сыр өңіріне әкелген Олимпиада чемпиондары Ермахан Ыбырайымов пен Юрий Мельниченко жас спортшыларға шеберлік кластарын көрсетсе, Қазақстанның халық әртістері Нұрғали Нүсіпжанов пен Алтынбек Қоразбаев, «Бәйтерек» тобы, «Гүлдер», «Әлқисса» ансамбльдері, әншілер Бағдат Сәмединова, Сүлеймен Ибрагимов, Медет Шайкелов, Евгений Шахрай және басқа да өнерпаздар қаланың орталық алаңында өнер көрсетпек.
Дастан КЕНЖАЛИН, Арал.
