Ант қабылдады

Экономикалық қылмысқа және сыбайлас жем­қор­лық­қа қарсы күрес агенттігі болашақ офицерлерінің қатары «Қаржы по­лициясының қатардағы қызметкері» атағы берілген Қаржы полициясы академиясының тыңдаушыларымен то­лықпақ. Осыған орай өткен сенбіде аталған академияға би­ыл қабылданған 125 тыңдаушы салтанатты түрде ант берді. Аталмыш шарада арнайы сөз алған Экономикалық қыл­мыс­қа және сыбайлас жемқор­лық­қа қар­сы күрес агенттігінің төрағасы, генерал-майор Қай­рат Қожам­жа­ров курсанттарды құттықтай келе, «Сіздер үшін бүгін қуанышты күн. Бүгіннен бастап академия сіздердің екінші үйлеріңіз бол­ға­лы отыр. Мем­лекеттің болашағы үшін халқымыз бен Елбасына адал қызмет етулеріңізге шын жү­ректен тілектеспін», – деді. Мұнан кейін 1-курс тыңдау­шы­лары атынан сөз алған Жас­ұлан Ергеусізов бұл оқу ор­ны­на түсу көп жастың арманы еке­нін және осы ретте курс­тас­т­арын дәріске барынша ден қою­ға шақыратынын жеткізсе, ата-аналар өкілі Г.Батырбекова өрен­дердің ата-ана еңбектерін ақтап, оқуда озат, елімізге адал қызмет ететін офицерлер болу­ла­рына деген аналық ақ тілегін жеткізді. Жиылған жұрт­шылық ал­дында Ант қабылдау рәсі­міне арналған салтанатты шеру өтіп, оқу ала­ңында академия тың­дау­шы­ла­ры­ның қыз­меттік оқу-жаттығулары көр­се­тілді. Еліміздің құзырлы орган­да­рына қызмет етуді және мем­ле­кет­тің экономикалық қауіп­сіз­ді­­гін сақтауды өзінің боры­шы деп таңдаған қаржы полициясы және кеден органдарының бо­ла­шақ қыз­меткерлері төрт жыл бойы ака­де­мияның профессор-оқы­ту­шы­ла­ры­нан экономика­лық және сыбайлас жемқорлық қылмыс­тар­дың алдын алу, сон­дай-ақ оны ашу мен тергеуге қа­жетті заңдық және эко­но­микалық білімдерді меңгеруге мүмкіндік алады. Қаржы полициясы орган­д­а­ры қыз­метінің бағыты бойын­ша ха­лық­аралық және ведом­ство­­ара­лық бай­ланысты да­мы­ту мақса­тында еліміздің Эко­но­микалық қылмысқа және сы­байлас жем­қорлыққа қарсы күрес агенттігі мен Тәжікстан Республикасы Мем­­лекеттік қар­жыны бақылау мен сыбай­лас жемқорлықпен күрес агент­тігі арасында аталған Қаржы полициясы академия­сында оқыту үшін екі жақты келісім-шарт негізінде биылғы жылы бес тәжікстандық тың­дау­шы қабыл­да­нып отыр. Ака­де­мияға оқуға қабылдану келешек қаржы полициясы мен кеден қызметінің сардарлары өмірін­де­гі ең маңызды оқиға болып та­былады. Бұл академияға тың­­даушы қатарына ресми қабыл­дану алдымен жалпы білім беру мектептеріндегі бір­ың­ғай ұлттық тестілеуді жақ­сы тапсыруымен ерекшеленсе, медициналық және психоло­гиялық тексерулер де назардан тыс қалмайды. Сондай-ақ, дене шынық­ты­ру нормативтерін тапсыру мен кешенді тестілеуден тұратын үш деңгейлі конкурстық іріктеуден өту қажет. Сымдай тартылған сал­танатты рә­сім­дегі курсанттар осындай білімі мен біліктерін ұштастырып, оқу ор­ны­на түскен ұландар деп айтуға то­лық негіз бар. Олардың мемлекеттің құ­қық­тық тәртіп пен экономикалық қауіпсіздігі­нің тиімділігін арт­ты­руға үлес қосамын деген ізгі ниеттерін де бұйыртса, осы білім оша­ғында қа­лып­тастыруға мүм­кіндіктері мол. Әбдірахман ҚЫДЫРБЕК, Ақмола облысы, Целиноград ауданы, Қосшы ауылы.