Тәуелсіздікке тарту

Кеше Астанадағы «Атамекен» Қа­зақстан картасы» этно-мемори­ал­дық кешені еліміз Тәуелсіздігінің 20 жылдығына арналған «Тәуелсіздіктің 20 жылдық шыңы» атты мұражай панорамасының салтанатты тұсау­кесерін өткізді. Оған ТҮРКСОЙ ха­лықаралық ұйымының бас дирек­то­ры Дүйсен Қасейінов, Т.Жүргенов ат­ын­дағы өнер академиясының рек­то­ры Арыстан Мұхамедиұлы, Астана қаласындағы, Есіл  ауданының әкімі Қай­рат Жаңабергенов, сондай-ақ та­­рих­шы ғалым Бүркітбай Аяған қаты­сып, мұражай әкімшілігіне осындай игі ша­раны ұйымдастырғандары үшін ал­ғыс­тарын білдірді. Сондай-ақ, ұжым­ды Тәуелсіздіктің 20 жылдығымен тұспа-тұс келген 10 жылдық мерекелерімен құттықтады. «Тәуелсіздіктің 20 жылдық шыңы» атты мұражай панорамасында көріністер тәуелсіз жас мемлекеттің пайда болып, қалыптасуы мен құрылу кезеңдерінен қазіргі кезеңге дейінгі 20 жылдағы өзгерістер мен жетістіктерді кеңінен насихаттау және қазақ хал­қы­ның этностық мәдениеті жайлы жалпы ау­мақты қамтыған. Бұл мұражай панораманың жобасы Т.Жүргенов атындағы өнер ака­де­мия­сымен бірлесе іске асырылыпты. Елорданың көз тартар жерлерінің бірі – аталған этно-мемориалдық кешен 2001 жыл­дың қыркүйек айында Елбасы Н.Ә. На­зар­баевтың бастамасымен ашылған. Мұнда ұлан-байтақ еліміздің дара болмысы мен бағзы бейнесінен, сонымен қатар, жалпы тарих беттерінен терең сыр шертетін хал­қы­мыздың ең көне жәдігерлері, көрнекті де киелі орындары көрініс алған. Бұл көріністер 1,7 га аумақты алып жатыр. Астанаға арнайы келген жұртшы­лық­тың кешенді аралаған кезінде ұлан-ғайыр елдің көрінісін көз алдына сұлуландыра кел­тіретін бұл мұражайдан көңілге түйер дүниелер мол екені айқын. Бұл тұрғыда мұражай қызметкерлерінің қызметі сізге қа­шанда әзір. Әбдірахман ҚЫДЫРБЕК. Суретті түсірген Мұхтар ХАЛДАРБЕКОВ.