Алматы киностудиясының 70 жылдығына орай ашылды
«Еуразия-2011» кинофестивалінің аясында Ш.Айманов атындағы «Қазақфильм» киностудиясында қазақ кино майталмандарына арналған «Жұлдыздар аллеясы» ашылды.
Осыдан 70 жыл бұрын, соғыстың сұрапыл жылдарында Алматы киностудиясы ретінде негізі қаланған «Қазақфильм» студиясында «Жұлдыздар аллеясы» осыдан біраз жыл бұрын пайда болған еді. Алайда, оның ресми түрдегі ашылуы ұлттық киностудиямыздың мерейлі жылына орайластырылып отыр.
– Бүгіннен бастап ұлттық киножұлдыздар аллеясы өзінің мемориалдық сипатына ие болып қана қоймай, енді арамызда жер басып, өмір сүріп жатқан ағаларымыздың аттарымен толықтырылды. Бұл жұлдызды аллея дүниеден өткен адамдарға ғана құрмет емес, сонымен қатар, бүгінде көзі тірі, қасымызда жүрген, қазақ киносының дамуына қомақты үлес қосқан адамдардың да еңбегін бағалау үшін жасалған құрмет, – деді Ш.Айманов атындағы «Қазақфильм» киностудиясы» АҚ президенті Ермек Аманшаев аллеяның ашылу салтанатында.
Бұған дейін «Жұлдыздар аллеясына» қазақ киносының дамуына үлес қосқан Шәкен Айманов, Сұлтан Қожықов, Мәжит Бегалин, Абдолла Қарсақбаев, Серәлі Қожамқұлов, Қалибек Қуанышбаев, Әмина Өмірзақова, Әнуар Молдабеков, Ыдырыс Ноғайбаев, Нұрмұхан Жантөрин, Кененбай Қожабеков сынды кино майталмандарына естелік жұлдыздар қойылған болатын. Енді олардың қатарына тағы да 3 естелік тақта қосылды. Ол «жұлдызды тақталар» – КСРО және Қазақстанның халық әртісі, Мемлекеттік сыйлықтың лауреаты, театр және кино актері Асанәлі Әшімовтің, Қазақстан Республикасының еңбек сіңірген өнер қайраткері, Мемлекеттік сыйлықтың лауреаты, қазақ анимация өнерінің негізін қалаушы Әмен Қайдаровтың және Қазақстанның халық әртісі, Мемлекеттік сыйлықтың лауреаты, ұлттық деректі кинематографияның негізін қалаушылардың бірі Ораз Әбішевтің құрметіне орнатылды.
– Көзі тірі кезімде жұлдызды тақта қойып жатқаны бір жағынан ыңғайсыз, екінші жағынан қуанышымды да жасырмаймын. Бұл тақтаны менің еңбегіме берілген баға деп білемін, – деді Асанәлі Әшімов.
Айнаш ЕСАЛИ.
Осыдан 70 жыл бұрын, соғыстың сұрапыл жылдарында Алматы киностудиясы ретінде негізі қаланған «Қазақфильм» студиясында «Жұлдыздар аллеясы» осыдан біраз жыл бұрын пайда болған еді. Алайда, оның ресми түрдегі ашылуы ұлттық киностудиямыздың мерейлі жылына орайластырылып отыр.
– Бүгіннен бастап ұлттық киножұлдыздар аллеясы өзінің мемориалдық сипатына ие болып қана қоймай, енді арамызда жер басып, өмір сүріп жатқан ағаларымыздың аттарымен толықтырылды. Бұл жұлдызды аллея дүниеден өткен адамдарға ғана құрмет емес, сонымен қатар, бүгінде көзі тірі, қасымызда жүрген, қазақ киносының дамуына қомақты үлес қосқан адамдардың да еңбегін бағалау үшін жасалған құрмет, – деді Ш.Айманов атындағы «Қазақфильм» киностудиясы» АҚ президенті Ермек Аманшаев аллеяның ашылу салтанатында.
Бұған дейін «Жұлдыздар аллеясына» қазақ киносының дамуына үлес қосқан Шәкен Айманов, Сұлтан Қожықов, Мәжит Бегалин, Абдолла Қарсақбаев, Серәлі Қожамқұлов, Қалибек Қуанышбаев, Әмина Өмірзақова, Әнуар Молдабеков, Ыдырыс Ноғайбаев, Нұрмұхан Жантөрин, Кененбай Қожабеков сынды кино майталмандарына естелік жұлдыздар қойылған болатын. Енді олардың қатарына тағы да 3 естелік тақта қосылды. Ол «жұлдызды тақталар» – КСРО және Қазақстанның халық әртісі, Мемлекеттік сыйлықтың лауреаты, театр және кино актері Асанәлі Әшімовтің, Қазақстан Республикасының еңбек сіңірген өнер қайраткері, Мемлекеттік сыйлықтың лауреаты, қазақ анимация өнерінің негізін қалаушы Әмен Қайдаровтың және Қазақстанның халық әртісі, Мемлекеттік сыйлықтың лауреаты, ұлттық деректі кинематографияның негізін қалаушылардың бірі Ораз Әбішевтің құрметіне орнатылды.
– Көзі тірі кезімде жұлдызды тақта қойып жатқаны бір жағынан ыңғайсыз, екінші жағынан қуанышымды да жасырмаймын. Бұл тақтаны менің еңбегіме берілген баға деп білемін, – деді Асанәлі Әшімов.
Айнаш ЕСАЛИ.
