Алқа отырысы

Асхат Дауылбаевтың төрағалық етуімен, Ішкі істер министрі Қ.Қасымовтың қаты­суы­мен Бас прокуратура алқасының оты­ры­сы өтіп, онда пайдакүнемдік мақсатта күш қолданып жасалған қылмыстар (тонау, қа­рақ­шылық шабуыл, бопсалау) туралы қыл­мыстық істерді тергеген және сотта қараған кезде заңдылықты сақтау мәселелері қаралды. Алқа мәжілісі бейнебайланыс режимінде барлық облыстардың прокурорлары және ІІД бас­шы­ларының қатысуымен өткізілді. Бас прокурор қылмыстарды есеп­ке алудан жасыру, азамат­тар­дың конституциялық құқықтарын бұзу, қылмыстық істерді тергеген кезде сөзбұйдаға салу, осы санат­тағы істер бойынша заңсыз іс жүргізу шешімдерін қа­был­дау орын алған жағдайда ішкі істер органдары қызметкерлерінің дербес жауапкершілігін күшей­туді талап етті. Облыс прокурорлары мен ішкі істер депар­таменттерінің бас­шы­ларына бір ай мерзімде қыл­мыс­пен және құқық бұзушы­лық­пен күрестің өңірлік бағдар­ла­маларының орындалуының жай-күйін, көшедегі бейнебақы­лау­дың жағдайы және тиімділігін зерделеп, осы мәселені құқық қорғау орган­дары­ның Үйлестіру кеңесінде қарау тапсырылды. Сондай-ақ жергілікті прокуратура және ішкі істер органдарының басшыларынан сот төрелігінен бой тасалап жүрген кінәлі адам­дарды іздеу және заңмен белгіленген жауапкершілікке тар­ту­дың барлық қажетті шараларын қа­былдау талап етілді, деп хабар­ла­ды Бас прокуратураның бас­пасөз қызметі.