Қорымды қорлағандар

Естігеннің тұла бойын түр­шік­тіретін қорымды қорлап, зират­та­ғы шарбақтарды, ескерткіштерді бүлдіріп, оны пайда көзіне айнал­дырған тепсе темір үзетін жан­дар­дың қылығы ойландырады. Ос­ындай жағаны ұстататын оқи­ға­лар өңірдің кейбір елді мекендерінде орын алып, қылмыстық істер тіркелді. Туған-туыста­ры­ның бейіттері қорланғандардың жай-күйін сезінудің өзі қиын. Өкі­­­ніштісі, сол қылмыскерлер жу­­ық арада қолға да түсе қой­ма­ды. Безбүйректер ана ауылдың, мы­на ауылдың қорымдарын қор­лап, із жасырып, біраз уақыт бос­тан­дық­та жүрді. Жақында Жамбыл ауданын­да­­ғы Ақсеңгір селолық округінің әкі­мі Әлімхан Қосбасаров пен он­ын­шы сынып оқушысы Аяз Нұр­ғо­жаев екі ауылдың зираттарына қол сал­­ған, ұяттан безген сұ­ға­нақ­тардың құрықталуына себеп болды. Мал қайырып жүрген Аяз ке­ш­кілік бейіт тонап жатқандарды кө­ріп қалады. Ұялы телефонымен дереу ауыл әкіміне хабарлайды. Суыт хабар алған Әлімхан бейіт­тің шарбақтарын тиеген автокө­лік­ті МАИ бекетінде тоқтатып, бі­рінің қолын қайырып, полиция қызметкерлеріне тапсырады. Осы кезде көмекке жеткен Аяз да қарап қалмайды. Кабинада отыр­ған екі қарақшы қалың қамысқа тығылады. Оның біреуін аудан­дық ішкі істер бөлімінің бастығы Бейбіт Келгенбаев бастаған қыз­мет­керлер қолға түсіреді. Осы­лай­ша Талғар, Қарасай, Жамбыл және басқа аудандардағы елді мекен жұртшылығын әбігерге сал­ған­дардың жолы кесілді. Күмісжан БАЙЖАН, Алматы облысы.