21 маусымға дейін роуд-шоу Атырау, Қостанай, Тараз, Өскемен, Семей, Қарағанды, Орал секілді тағы 7 қалада өтпек.
Естеріңізге сала кетсек, «Астана банкі» АҚ қарапайым акциялары маусымның соңында саудалана бастайды, тикері – ABBN. IPO-ның индикативтік бағасы – бір акция үшін 1150 теңге. IPO-ға орналастырылатын акциялар саны – 2,1 млн. дана, орналастырым көлемі – 2,5 млрд. теңге.
«Астана банкі» АҚ басқарма төрағасы Ескендір Майлыбаевтың мәлімдеуінше, инвесторлардан тартылған қаржы ары қарай банктің өнімдер тізімін, IT-инфрақұрылымын дамытуға және де клиенттер қорын ұлғайтуға бағытталатын болады.
Өз кезегіде «Фридом Финанс» компаниясы сабағаттық қолдау көрсететін орналастырымның андеррайтері болып табылады, сондай-ақ, ол маркет-мейкер рөлін атқарып, баға белгіленімін қолдаумен айналысатын болады. Сондай-ақ, орналастырымның ортақ андеррайтерлері ретінде «Асыл Инвест» АҚ және «Еуразиялық капитал» АҚ қатысып отыр.
Айнаш Есали,
«Егемен Қазақстан».
Алматы
