Ардагерлер ардақталады

Бүгінгі таңда қазақстандық ардагерлер қоғам өмірінің түрлі салаларындағы оң үдерістерге барынша белсенді атсалысып келеді. Мемлекет басшысы, «Нұр Отан» ХДП Төрағасы Нұрсұл­тан Назарбаев қашанда ардагерлер ұйымының қызметін қолдап, олардың еліміздің игілігі жолын­дағы жұмыстарын жоғары баға­лап келеді. Осыған орай, 1 қазан – Қарт­тар күні «Нұр Отан» ХДП-ның бастамасымен еліміздің барлық өңірлері мен елді мекендерінде  ардагерлер ұйымдарының белсенділерін қабылдаулар өтеді. Аталған шараны ұйымдас­тыру­дың әлеуметтік бағыты нақты­лан­са, екінші жағынан ол «Нұр Отанның» жазғы кезеңде жүзеге асырған акцияларының заңды жалғасы болып табылады. Бұл шараның идеялық түп­қаз­ығы – жас ұрпақты соғыс жә­не еңбек ардагерлерінің өмірін үлгі-өнеге ете отырып, қазақ­стан­дық патриотизм рухында тәр­биелеу. Сондай-ақ жұртшы­лық назарын жергілікті жерлердегі қарт адамдардың проблема­ларына аудару. Осылайша, бүгін Қазақстан­ның облыс орталықтарындағы «Нұр Отан» ХДП-ның өңірлік фи­лиалдарында ардагер ұйым­дары­н­ың белсенді мүшелерін қабылдаулар ұйымдастырылады. Бұл шараларға партия активінің, ардагерлер ұйымдарының жетекшілері, үкіметтік емес ұйымдар мен шағын және орта бизнес өкілдері, «Жас Отан» жастар қанатының мүшелері қатысады. Шара барысында партияның облыстық бөлімшелерінің жетекшілері қабылдауларға қатысушы­лар­ды «Нұр Отанның» халықтық тұғырнамасының орындалуы, он­да­ғы әлеуметтік блоктың жүзеге асырылуы барысынан хабардар етіп, ҰОС ардагерлері мен тың ең­бек­керлеріне және қарт адам­дарға медициналық көмек көрсе­тудің жағдайынан мағлұмат береді. Сондай-ақ өңірлердегі қарт адам­дардың әлеуметтік жағдайын жақсарту, оларға атаулы әлеу­мет­тік және материалдық көмек көр­сету төңірегінде әңгіме өрбиді. Қабылдау кезінде «Қарттарға қамқорлық» бағдарламасын жүзе­ге асыру бойынша атқарылған жұмыстарға сараптама жасалып, өткізілген шаралардың нәтиже­лері туралы пікір алмасылады және барлық қатысушыларға ұйымдастырушылар атынан ескерткіш сыйлықтар тапсыры­ла­тын болады. «Егемен-ақпарат».