Кәсіби білім жеңімпаздары

Ұстаз – бала жанының бағбаны дейміз. Осы мамандық иелеріне үлкен сенім артамыз. Олардың өмірімізге лайықты өрендер өсірудегі өлшеусіз ең­бе­гін бағалап, кәсіби білімдерін жетілдіру қажеттігіне де назар аударылып келеді. Облыс әкімінің қолдауымен жыл сайын білім беру мекемелері арасында өтетін педагогикалық байқаулардың бірі «Ең үздік кәсіптік білім беру ұйымы» деп аталады. Өйткені, кәсіптік білім беру бүгінгі күннің басты міндеті болғандықтан байқауға облыстағы 14 кәсіптік лицей ұжы­мы қатысып, бәсекеге қабі­летті шәкірт тәрбиелеудегі жақ­сы істерін ортаға салды. Солардың қатарындағы Сар­қан гуманитарлық колледжі ағыл­шын тілі және қаржы сала­сының мамандарын даярлау, студенттерді өнерге баулу, тағы басқа тәрбие тағылымын, Жаркент №17 кәсіп­тік лицейі қо­ғам­да сұраныс­қа ие аспаз, электромонтер, тракторист-машинист мамандықтарының ма­ңы­зын, Талдықорған эконо­ми­ка-технологиялық колледжі өнім­ді өңдеу мәселесін көр­се­тіп, бар­ларын ортаға салды. Қарасайдағы Үшқоңыр су шаруашылығы колледжі өткен ке­зеңде 30 мыңнан аса түлек ұшы­рып, эколог, гидротехник мамандарын даярласа, Еңбек­ші­қазақ ауданының №7 лицейі жастардың қызықты өмірін әсерлі өрнектеді. Талдықорған политехникалық колледжі кредиттік және қашықтан оқыту жүйесін енгізу, өзін-өзі басқа­ра­тын жастардың «Конвент» ұйымы мен пікірсайыс орталы­ғының жұмысын жүйеледі. Байқау аса тартымды өтіп, қазылар алқасы бағаларын берді. Қорытындысын Алматы қала­сын­дағы №13 кәсіптік лицей бірінші, Талдықорған по­ли­техни­ка­лық колледжі екінші, Талды­қорған экономика-техно­ло­гия­лық колледжі үшінші орынды иеленді. Үш номинация бойынша да жеңімпаздар анықталды. Олар Жаркент қаласының №18 кәсіп­тік лицейі «Инновация шеберха­на­сы», Қарасай ауданының №2 кә­сіп­тік лицейі «Жетістік жолында», Үшарал қаласындағы №5 кәсіптік лицейі «Жаңашыл кәсіптік лицей» номинациясына қол жеткізіп, өздерінің ізденістерін танытты. Күмісжан БАЙЖАН. Алматы облысы.