Ісімен үлгі баршаға

Оқушы болып партаға отыр­маған, ұстаздан білім алмаған, оның тәрбиесін көрмеген адам мүлдем жоқ та шығар. Мен де сол ұстаздың қамқорлығына бө­лен­ген­дердің бірімін. Ол – Мәу­кен Әсенұлы. Бүкіл саналы ғұ­мы­рын ұрпаққа арнаған ұста­зым­ды көргенде ойыма Жан Жак Рус­соның «Ұстаз – уақытыңды аямау, басқаның бақытын аялау» деген сөзі ойыма орала береді. Шынында менің ұстазым Мәу­кен аға сондай жан. Қашан көр­сең де ұлттың ұлы тұлғасы Ахмет Байтұрсынұлының «Біз әуе­лі елді түзеуді бала оқыту ісін түзеуден бастауымыз керек» деген қанатты сөзін айтып, мұ­ғалімдерді жұмылдырып жү­ре­ді. Ол 20 жылдан бері Еңбек­шіқазақ ауданы, Сөгеті ауылын­дағы Ораз Жандосов атындағы орта мектебінде директор бо­лып қызмет атқаруда. Тәубе дейік, қазір ел жағ­да­йы жақсарды, халықтың тұрмы­сы оңалып келе жатыр. Тәуел­сіздіктің алғашқы жылдарын­дағы қиындықтар әлі күнге көз алдымызда. Электр жарығы жиі сөніп, мұғалімдер айлық ала алмаған уақыттар кездескен. Ендігі жерде білімнің баста­уы мектепте десек, соны жетілдіру арқылы еліміздің келешегі болатын ұрпақты рухы мықты жігері найзадай өткір, білімі биік етіп тәрбиелеу – басты мақ­­­сат. Әсіресе, әлемдік озық тә­жі­ри­­бе­лерді басшылыққа алу, білім маз­мұнын жаңаша құру, педаго­гикалық басқару үрдісін уақыт талабына сай ұйымдастыру, жа­ңа технологияларды оқу ісіне қолдана білу – осының бәрін өзі бас болып Мәукен аға бір ізге түсіріп келеді. Елбасы бекіткен жаңа білім бағдарламасына сай оқушылардың денсаулығы мен қауіпсіздігін сақтау, мемлекеттік білім стандартын мүлтіксіз ор­ындау, қаржылық шаруашылық ісінде тәртіпті бұзбау, кадр сая­сатын әділ жүргізу секілді бас­ты міндеттерді ол өз жұмы­сы­ның темірқазығы етіп алған. Бұған қоса, Президенттің «Дип­ломмен – ауылға» бағдар­ламасы бойынша биыл 4 жас маманды қызметке қабылдады. Мен бүгін мұғалімдер күні­не орай ұстазымның асыл қа­сиеттерін айта отырып, осын­дай үлгі өзгелерге де сабақ болса екен деймін. Әлімғазы ЕСЖАНОВ.