Параолимпиалық ойындар өтеді

Қазақстан Республикасының ІІІ Параолимпиалық ойындары үстіміздегі жылдың 5-9 қазаны кезеңінде Шымкент қаласында өтеді. Жарысқа еліміздің барлық өңірлерінен 507 спортшы қаты­сады. Алты параолимпиалық спорт түрі бойынша 523-тен ар­тық медальдар жиынтығы сарап­қа салынады: жүзу (СПОДА, кө­ру), пауэрлифтинг (СПОДА), оқ­пен ату (СПОДА), жеңіл атлетика (СПОДА, көру), отырып ойнау волейболы (СПОДА), үстел теннисі (СПОДА). Осы жылғы мамыр мен қыр­күйек айлары кезеңінде еліміздің барлық өңірлерінде бұл шараның об­лыстық және қалалық ойын­дары өткізіліп, оған 2500-ге жуық мүгедек спортшылар қатысты. Сондай-ақ бұл ойындарға облыс­тық туризм, дене шынықтыру жә­не спорт басқармаларының өкіл­дері, параолимпиалық спорт түрлерінің бас жаттық­тыру­шы­ла­ры, қоғамдық бірлестіктердің өкіл­дері, ІІІ Параолимпиалық спорт түрлерінің бас төрешілері қатыса­ды. Олардың ішінде халықаралық санаттағы 10 төреші, жоғары ұлт­тық санаттағы 21 төреші, ұлттық санаттағы 14 төреші және бірінші санаттағы 15 төреші жарысты әділ өткізуге барын салатын болады. Шымкент қаласында 5 спорт­тық нысан: «Денсаулық» жүзу бассейні, Қажымұқан атындағы орталық стадион, «Динамо» ату тирі, «Сұңқар» СК, «МОК-2002» ЖШС қатысушыларға қызмет көрсетеді. 2001 жылы Астанада алғаш рет І Параолимпиалық ойындар өт­кізілген еді. Онда жалпыкоман­далық есепте Алматы қаласының командасы жеңімпаз болып та­ныл­ды. Алты жыл өткеннен кейін 2007 жылы Талдықорған қала­сын­да (Алматы облысы) ІІ Пара­олим­пиа­лық ойындар да жоғары дәре­жеде өтті. Ойындардың қо­ры­тындысы бойынша бірінші орынды Алматы қаласы, екінші орынды Қарағанды облысы, үшін­ші орында Астана қаласы иемденді. Бүгінде республикада мүге­дек­тер спорты бойынша 8 спорт­тық ұйым жұмыс істейді. Маң­ғыс­тау, Атырау облыстары мен Ас­тана және Алматы қалала­рын­да мүге­дектер спортының 4 спорт­тық клубы белсенді жұмыс істеп келеді. Сол сияқты Алматы облысында мүгедектерге арнал­ған 1 спорттық клуб ашылып, заңды түрде әділет органдарында тіркелді. Оңтүстік Қазақстан мен Қарағанды облыс­тарында 2 арнайы спорттық мектеп жұмыс істеуде. Сол сияқты Петропавл қаласында «Қарасай» стадионын­дағы жоғары спорттық шеберлік мектебінде мүгедектер спорты бойынша бір бөлімше табысты жұмыс істеп келеді. Туризм және спорт министрлігі жыл сайын мүгедектердің әртүрлі санатына арналған 70-тен астам республикалық чемпионаттар мен турнирлер өткізеді, оған 5000-нан астам мүгедек спорт­шы­лар қатыса­ды, сондай-ақ олар­дың шетелдердегі халықаралық жарыстарға да қатысуын қамта­масыз етуде. Қазақстан Республикасы құ­рама командасының спортшы­лары мен жаттықтырушыларын – Параолимпиалық ойындардың қа­тысушыларын ынталандыру мақ­сатында Қазақстан Республикасы Үкіметінің 2008 жылғы 19 ақпан­дағы № 167 «Параолим­пиалық ойындарда жоғары спорттық нәтижелері үшін Қазақстан Рес­публикасы құрама командасының спортшылары мен жатты­қ­тыру­шыларын материалдық ынталан­дыру­дың кейбір мәселелері ту­ралы» қаулысына сәйкес мынадай көлемде сыйақылар белгіленген: 1-орын – 50 мың доллар; 2-орын – 35 мың доллар; 3-орын – 25 мың доллар; 4-орын – 14 мың доллар; 5-орын – 6 мың доллар; 6-орын – 4 мың доллар. Қазақстан Республикасының ІІІ Параолимпиалық ойындары 2012 жылы Лондонда (Ұлыбри­тания) өтетін Параолимпиалық ойындар­ға лицензияны жеңіп алуға дайын­дықтың кезеңі болып табылады. Аталған ойындарды ұйымдас­тыру­шылар: Туризм және спорт министрлігі, Оңтүстік Қазақстан облысының әкімдігі, «Нұр Отан» халықтық-демократиялық партия­сы, Қазақстан Республикасының Параолимпиалық комитеті. Ойын қорытындысы бойынша спортшылар мен командалар түр­лі дәрежедегі дипломдармен, кубокпен, медальдармен және ба­ғалы жүлделермен марапатталады. Ресми баспасөз конфере­н­ция­сы 2011 жылғы 4 қазанда сағат 17.00-де «Ордабасы» (Шым­кент қаласы) қонақ үйінде өтеді. «Егемен-ақпарат».