Партия мектебінің филиалы ашылды

Семейде «Нұр Отан» халық­тық-демократиялық партиясы Жо­­ғары партия мектебінің ай­мақ­тық филиалы салтанатты жағ­дай­да ашылды. Аталған мек­теп­тің алғашқы филиалы бұған дейін еліміздің батыс өңіріндегі Ақтөбе қаласында ашылған бо­ла­тын. Оның ашылу салтана­ты­на Қазақстан Республикасының Пре­­­зиденті партия Төрағасы, Нұр­сұл­тан Назарбаевтың өзі қа­тыс­­қан-ды. Ал биылғы жылдың ма­мыр айында осындай филиал оң­түстік астанамызда ашылған еді. Семейдегі филиал осындағы кезінде саяси ағарту үйі болған, ал қазірде Абай атындағы об­лыстық кітапхана жайғасқан сәу­летті ғимараттың бірінші қа­батына орналасты. Осыған орай өткен жиынды ашып жүргізіп отырған Жоғары партия мек­те­бінің директоры, профессор Ба­қыт Есекина қазіргі қоғамда болып жатқан өзгеріс-жаңалық­тарға дер кезінде үн қата ала­тын, еліміз бен Елбасының ішкі және сыртқы саясатын біліктілікпен жүргізе білетін іскер мамандар даярлау уақыт талабы екендігін айта келіп, өздерінің тарапта­ры­нан қазірде атқары­лып жатқан жұмыстарға қыс­қаша тоқталды. Айталық, партия мектебінде өткен оқу жылында бір жарым мыңға жуық партия қызметкері өздерінің біліктілігін арттырып­ты. Ал алдағы оқу жылында жа­ңадан ашылған филиалда көр­ші­лес Шығыс Қазақстан және Павло­дар облыстарынан жүзге жуық пар­тия қызметкері дәріс тыңдап, тә­­жірибе жинақтап қай­татын болады. Жиында сөз алған партия­ның Орталық аппараты жетек­ші­сінің міндетін атқарушы Құ­мар Ақ­са­қалов партия өмірінің бүгінгі ты­ныс-тіршілігі туралы сөз қоз­ғаса, «Нұр Отан» ХДП Семей қаласы бөлімшесінің төр­ағасы, қала әкімі Айбек Кәрімов семейліктерге көрсетілген құр­мет­ке орай филиал жұмысы жемісті бола­тын­дығына сендірді. Елі­міз­дің рухани орталық­тары­ның бірі бо­лып табылатын Семей қаласын­да оған мүмкіндік мол, деді ол. Осындағы қазақ гума­ни­тарлық-заң және инно­ва­ция­лық универ­си­тетінің рек­то­ры, профессор Шырын Құрман­баева да мұн­да­ғы зиялы қауым өкіл­де­рі­нің филиал жұмысына қызу ат­са­лы­са­тындығына сенім білдірді. Бұдан кейін жаңадан ашыл­ған филиалда жергілікті партия қыз­меткерлеріне арналған «Пар­тия­ның тиімді сайлау алды жұ­мысын ұйымдастырудың нысан­дары мен әдістері» деген та­қы­рыптағы екі күндік семинар өз жұмысын бастап кетті. Филиал басшысы бо­лып бұған дейін қа­лалық әкім­діктің аппарат жетекшісі, тіл бөлімінің бастығы және басқа жауапты жұмыстарды ат­қар­ған Айдар Самаев тағай­ын­дал­ды. Дәулет СЕЙСЕНҰЛЫ, Семей.