Африка плазасында дәл осындай 21 мемлекет «жасыл» энергетикаға қатысты жобаларын ұсынуда. Гана Республикасының павильонында елдің тарихы мен дәстүрі ғана емес, сонымен қатар, балама энергия көздеріне деген заманауи көзқарастар көрініс тапқан. Ганалық ғалымдар да «жасыл» энергияны өндіретін түрлі жолдарды талқылап, оны өздеріне ендіруді көздейді. Олар баламалы энергия саласы дамыған мемлекеттермен іскерлік байланыс орнатуды жоспарлап отыр.
Салтанатты рәсімнің ресми бөлімінде ганалық делегацияны бастап келген, Сауда және өнеркәсіп вице-министрі Ахенкора Кингсли сөз сөйлеп, елінің халықаралық шараға «Гана – жаңғыртылатын энергия көздері мүмкіндіктерінің тоғысқан жері» ұранымен қатысып отырғанын еске салды. «Біздің осы көрмеге қатысуымыз – еліміздің жаңғыртылатын энергия көздері секторын пайдалану және дамыту саласында белсенді қатысушы екеніміздің дәлелі. Гана үкіметінің энергетикалық саясатының ортақ мақсаты – 2020 жылға дейін елдің жалпы энергетикалық балансында жаңғыртылатын энергия көздерінің үлесін 10 пайызға дейін өсіру. Гана мұнай ресурстарын ашқаннан кейін африкалық өңірде ірі мұнай өндіруші болуға ұмтылуда, дегенмен, еліміз болашақта мұнай ресурстарына тәуелсіз әртараптандырылған экономика құруды ойластыруда», деді вице-министр. Ахенкора Кингслидің айтуынша, нөлдік меридианда және экваторға жақын орналасқан Гана географиялық жағынан ғана емес, стратегиялық жағынан әлемнің ортасында орналасқан. Бұл жағдай мемлекетке Шығыс пен Батыстың арасындағы уақыт айырмашылығын пайдаланып, екі жақпен де бизнес жүргізу мүмкіндігін береді.
Мереке аясында көпшілік Африка елінің бай мәдени бағдарламасын тамашалап, музыкалық театрдың «Wheels» атты қойылымын көрді. Сахнадағы ән-жыр арқылы қонақтар Батыс Африка елдерінің ерекшелігін сезіне алды.
ЭКСПО-2017 халықаралық көрмесінде ұлттық күнін атап өту реті Гана Республикасына келіп жетті. Батыс Африкадағы шағын ғана елдің халқы өзгелердей пайдасы мол баламалы энергияны қолдайды.
Утиль алымға қатысты шешім қабылданды
Экономика • Кеше
Құландарды көшіру мәселесі талқыланды
Табиғат • Кеше
Тамыз айында өтетін ҰБТ-ның күні белгіленді
Білім • Кеше