Әңгіме барысында Қазақстан Президенті өңірдегі қауіпсіздікті қамтамасыз ету үшін арнаулы құрылымдардың халықаралық деңгейде ынтымақтасуы мен өзара іс-қимыл жасауының маңыздылығын атап өтті.
– Алдымызда ортақ міндеттер тұр. Өзара ынтымақтастықта болуымыз қажет. Қазір күрделі кезеңде өмір сүргендіктен, проблеманы жеке-дара шешу де қиын. Елдеріңіздің президенттерімен жақсы қарым-қатынастамын, сондықтан біз барлық мәселені бірігіп шешіп келеміз, – деді Нұрсұлтан Назарбаев.
Соңында Елбасы ТМД елдері арнаулы органдарының жетекшілеріне салтанатты шараға қатысқандары үшін алғыс айтып, сол елдердің басшыларына өзінің жылы лебізін жеткізуді сұрады.
