Мемлекеттік мереке аясындағы мерейлі шара

Кеше Мемлекет хат­шысы Қанат Саудабаев пен Астана қаласының әкімі Иманғали Тас­ма­ғамбетов Қазақстан Рес­публикасы Тәуелсіз­ді­гінің 20 жылдығы қарсаңында елорда­мыз­да өтіп жатқан Қа­рағанды және Сол­түс­тік Қазақстан облыс­та­рының ауыл шаруа­шы­лығы тауарлары жәр­ме­ңкесін және Маңғыстау облысы күндері аясында ұй­ымдастырылған өңірдің әлеуметтік-экономикалық жетістіктері көрмесін аралап көрді. Мемлекеттік хатшы алды­мен Астана қаласы әкімдігі ал­дындағы орталық алаңда қо­ныс тепкен Қарағанды облы­сы­ның жәрмеңкесіне атбасын тіреді. Қарағанды облысы Астана қаласында осы күндері өтіп жатқан облыс мәдениеті күн­дерінің шеңберінде шы­ғар­машылық ұжымдарының ең көп санын алып келген аймақ ретінде ерекшеленді. Қара­ған­ды облысының әкімі Серік Ахметов атап көрсеткендей, ор­та­лық алаңда өңірдің ауыл­шаруашылық тауарларын өн­ді­рушілері жүзге тарта сауда орнын құрды. Әрине, ешбір жәрмеңке мәдени бағдарла­ма­сыз өтпейтіні белгілі. Қара­ған­ды облысынан осы мәдени шара аясында 500-ден астам кә­сі­би өнер шеберлері келіп, аста­на­лықтар мен қала қонақ­та­рын ән әуезімен сусындатты. Одан кейін Қанат Саудабаев пен Иманғали Тасмағам­бетов «Думан» ойын-сауық ор­талығының қасындағы алаңда орналасқан Солтүстік Қазақ­стан облысының жәрмеңкесін аралады. Облыс әкімі Серік Біләлов Мемлекеттік хатшы мен Астана қаласының әкіміне өңірдің әлеуметтік-экономи­ка­лық даму жетістіктері туралы баяндап, Қызылжар жерінен жеткен жәрмеңкедегі ауыл­ша­руашылық еңбеккерлерінің өнім­дерімен таныстырды. Мемлекеттік хатшы Қанат Саудабаев елордада өңірлердің мәдени күндері аясындағы өтіп жатқан жәрмеңке мен мәдени-рухани шаралардың әлеуметтік маңыздылығын ерекше атап көрсетті. Жылқыбай ЖАҒЫПАРҰЛЫ.