Ол бүгінгі таңда Өнімді жұмыс пен жаппай кәсіпкерлікті дамыту бағдарламасы аясында шағын несие алуға тілек білдірген адамдар саны осы мақсатқа қарастырылған қаражат мөлшерінен көп екенін атап өтті.
Сонымен қатар ҚР ЕжХӘҚМ шағын несие алуға ниетті азаматтарды қамтуды арттыру жұмыстарын жүргізіп жатыр.
«Біріншіден, біз қаржы институттарымен өнімді жұмыспен қамту бағдарламасының қаражаты бойынша ауыл шаруашылығы кооперативтерін несиелендірумен айналыспаймыз, ал басты назарды жұмыссыз және өзін-өзі жұмыспен қамтығандарға аударамыз деп келістік, олар үшін 18 млн емес, 2 немесе 3 млн көлеміндегі шағын несие жеткілікті. Бұл Бағдарлама қатысушыларының санын арттыруға мүмкіндік береді.
Екіншіден, бізде 5,5 жыл бойы Бизнестің жол картасы-2020 бағдарламасы жүзеге асырылды, ол бойынша да шағын несиелер беріп келдік. 5,5 жыл ішінде 99 млрд теңге шағын несие түрінде берілді және қазір ол ақша біртіндеп қайтарылуда. Бүгінде Ауыл шаруашылығын қолдау қорының қарыз алушылар мерзімінен бұрын қайтарған қаражаты бар, бірақ оларды жергілікті бюджетке қайтару мерзімі әлі болмады», – деп түсіндірді Б. Нұрымбетов.
Ол Өнімді жұмыс пен жаппай кәсіпкерлікті дамыту бағдарламасының қатысушыларын Ауыл шаруашылығын қолдау қорымен үш млрд жуық теңгеге несиелендіру бағыты туралы келісімге қол жеткізілгенін айтты.
«Біз Бағдарламаға қажетті түзетулерді енгіздік. Сәйкесінше, бұдан әрі біз бұл тетікті пысықтаймыз, бұл біздің қатысушыларымызды шағын несиелендіру үшін қосымша қаражат көзі болады», – деп атап өтті Б. Нұрымбетов.
