МАГАТЭ басшысымен кездесті

Кеше Астанада Сыртқы істер министрі Ержан Қазыханов «Яд­ро­сыз әлем үшін» халықаралық форумының қонақтарымен кездесу өткізді. МАГАТЭ бас директоры Юкия Аманомен болған кездесуде Қа­зақ­стан сыртқы саясат ведом­ство­сының басшысы ядролық қару­сыз­дану және оны таратпау сала­сындағы Отанымыздың халық­аралық аренадағы қадамдарын жеткізді. Атап айтсақ, 2011 жылдың қыркүйек айында Нью-Йоркте өткен БҰҰ БА 66-шы сессиясында айтылған Астананың соңғы бастамасын жеткізді. Министр өз сөзінде еліміздің ядролық қауіпсіздікке қатысты ти­­імді жүйе құру және атом эн­­ер­­­­ге­тикасы нысандарының қауіпсіздік белгілері мен халықаралық қатаң стандарттарын жасау жөніндегі ұс­танымының маңыздылығын жет­­­кізді. «Біз осы мәселеге сүйене отырып, кез келген ауқымды яд­ролық апаттың кесірі ауыр транс­шекаралық зардапқа әкелетініне аса мән береміз. Осыған орай, бү­гін біз атомдық төтенше жағдай­лар бойынша ахуалды дағдарыс­тардың жаңа тетіктерін табуымыз керек», – деді СІМ басшысы. Сондай ақ, басқосуда Қазақ­станда енгізілетін ірі бірлескен жо­балардың орындалу үдерісі қа­рас­ты­рылды. Осыған байланысты министр Қазақстанның МАГАТЭ мен алдағы уақытта өз ынты­мақ­тас­тық­тарын кеңейту және те­рең­дету­ге деген қызығушылығын білдірді. БҰҰ аумақтық орталығының басшысы, елші Мирослав Енчамен болған кездесуде Қазақстан Республикасы мен аталған ұйым­ның арасындағы ынтымақтастық бағыттары талқыланып, оның іш­інде Ауғанстанның қазіргі ахуа­лы, ұйымдасқан трансшекаралық қылмысқа қарсы іс-әрекеттер мә­селелері, экстремизм және терроризмге қарсы күрес әңгіме өзегі болды. Сонымен қатар, кездесу кезінде тараптар есірткі тарату әре­кеттеріне қарсы күрес жүргізу жә­не су-энергетикалық кемшіліктерін жою жолдарын талқыға салды. «Егемен-ақпарат».