Көш көлікті болсын

Алыс-жақыннан көшіп келушілердің қызығушылығына ие өңірлердің бірі – Маңғыстау. Оның үстіне табиғи өсімнің де оң нәтиже беруі өзіндік кейбір мәселелерді күн тәртібіне шығарды. Облыста қоныстанушыларға жер жеткенімен, нәпақасын айырар жұмыс табу күрделі күйінде тұр.
Егемен Қазақстан
10.08.2017 654

Осы орайда Мемлекет басшы­сы Н.Назарбаевтың «Қазақстан­ның үшінші жаңғыруы: жаһандық бәсекеге қабілеттілік» атты Жол­дауын­да жұмыс күші көп жерлер­ден өзге жерлерге адам тарту, жұ­мыс күшін жіберу  мәселесін ұсынған болатын. Бұл ішкі көші-қон талай отандастың оңтайына оралатын бастама болмақ – жұмыс таба алмай дағдарған және баспана ала алмай қиналғанның арманы осы бағыт бойынша орындалмақ. Бұл бағыттағы жұмыстарға мем­лекетіміздің «Нәтижелі жұ­мыс­пен қамтуды және жаппай­ кәсіпкерлікті дамытудың 2017-2021 жылдарға арналған бағдарламасы» да серпін бере түсті. 

Маңғыстау – мұнайлы өңір, бірақ тұрғындардың барлығы бірдей аталмыш салада жұмыс жасауы мүмкін емес. Демек, Жол­дауда айтылған тапсырма мен жо­ға­рыда айтылған мемлекеттік бағдарлама өзге саладан нәсіп іздегендер мен кәсібін ашамын деу­шілерге қажетті құжат. 

Маңғыстау облыстық жұмыс­пен қамтуды үйлестіру және әлеу­­меттік бағдарламалар бас­қар­­масы бұл бағыттағы жұ­мыс­ты қар­қынды жүргізіп келеді. Жұ­мыспен қамтуды және кәсіп­кер­лікті дамытуды, жұмыс күші тапшы өңірлерге еңбек ресурстарын қоныстандыруды көздейтін ерікті қоныс аудару идеясы халық арасына түсіндіріліп, көшем деу­ші­лердің алғашқы легі құтты қоныс­тарына аттандырылды. 

– Биылғы жылдың мамыр айын­да ал­ғаш рет Ақтауда ерікті қо­ныс аударушылар форумы өтті. Екі күнге созылған форум Ақтау, Жаңа­өзен қалалары мен Мұнайлы ауданында ұйымдастырылды. 600 адам қатысқан форум аясында бос жұмыс орындарының жәр­­ме­ңкесі өтіп, оған 400-ден астам адам қатысты. Сондай-ақ, оралман қандастарымыз көп шо­ғыр­ланған Мұнайлы ауданында  халықпен кездесу өтіп, ерікті қоныс аударудың мән-маңызы түсіндірілді, – дейді Маңғыстау облыстық жұмыспен қамтуды үйлес­тіру және әлеуметтік бағдар­ламалар басқармасы басшысының орынбасары Гүлжихан Аманжан. 

Еліміз бойынша жұмыс орындары тапшы өңірлер санатында жұртшылыққа Павлодар, Сол­түстік Қазақстан облысы, Шығыс Қазақстан облысы және Қостанай облысы ұсынылды. Форум жұмы­сына аталмыш өңірлерден өкілдер келіп қатысып, өз өңірлеріндегі бос жұмыс орындары мен көшіп келушілерге жасалатын жағдай, баспана мәселесі туралы сөз қоз­ғады. Осы жұмыстардың Маң­ғыс­тау өңіріндегі бірден-бір үйлестірушісі болып отырған Маңғыстау облыстық жұмыспен қамтуды үйлестіру және әлеуметтік бағдарламалар басқармасының дерегі бойынша, Шы­ғыс Қазақ­стан облысында бі­лім беру, ден­саулық сақтау салала­рына, мемлекеттік қызметке, сон­дай-ақ ауыл шаруашылығы мен ком­муналдық салаларға барлығы 219 адамға жұмыс орындары бос деп көрсетілсе, Павлодар облысында 500-ден астам, Қостанай об­лысында 30-ға тарта  газбен, электрмен дәнекерлеуші, мұғалім, механизатор,  жүргізуші, арнайы техника жүргізушісі, ветеринар, дәрігер, фельдшер мамандар қажет екен. Ал  Солтүстік Қазақстан облысындағы 790 бос жұмыс орны мұғалім, дәрігер, бюд­жет саласы мамандарын, ауыл ша­руашылығына қызмет ететін еңбеккерлерді күтеді. 

Түсіндіру жұмыстары нәти­жесінде Маңғыстаудан 169 отбасы көшуге ниет білдірсе, «жол мұраты – жету» деген құрамында 50-ден астам мүшесі бар 12 отбасы:  4 от­­басы Павлодар облысына, 6 отба­сы Шығыс Қазақстан облысына, 1 отбасы Солтүстік Қазақстан облысына және 1 отбасы Қостанай об­лысына қоныстанып үлгерді. Жұмыс орны мен жасалатын жағ­дайға қаныққан тағы да  6 отбасы көш-көліктерін әзірлеуде. 

Барған адамдардың алдынан бақыр шығып, аңтарылып қалмауы үшін жергілікті басқарма өкілдері алдын ала аталмыш облыстарға іссапарға барып,  көші-қон, жұмыс, баспана мәселесін пысықтап қайтты. Өзге өңірлердегі өз әріптестерімен меморандум жасасып, бірлесе жұмыс жүргізу үшін келісімге келді. Басқарма өкілдерінің айтуынша, көшіп барушылар тұрғын үймен қамтамасыз етіліп, бір жыл бойы коммуналдық ақыдан босатылады, жұмысқа орналасқан соң оларға жәрдемақы төленіп, қажет еткендерге егін егу үшін жер телімі де беріледі. Егін егіп, ауыл шаруашылығымен айналысамын дегендерге субсидия мен жеңілдетілген несие беріліп, балалар бақшамен қамтылады екен. Тіпті жер орнын алып, егін салып, кәсібін гүлдендіремін деген кәсіпкерлердің баруына да жол ашық. 

Қазақстанның азаматтығын ал­ған­­дар да, оралман мәртебесін­де­гілер де қатыса алатын ерікті қо­ныс аудару бағдарламасының міндеті  жұмыспен қамту болса,  айтпағы  –  қазақ даласының төрт тарабын өзара байланыстыру, қа­зақ баласына қазақ даласының жаттығы жоқтығын ұғындыру. Бастаманы жемісті жүзеге асыру үшін қоныс аударып барушыны өзектен теппей бауырына басып, біл­мегенін үйретіп, жат ортаға сіңісіп кетуі үшін қарапайым халық­­тың, ауыл ақсақалдарының және жергілікті билік өкілдерінің бел­сенді атсалысқаны жөн, дейді мамандар. 

Гүлайым ШЫНТЕМІРҚЫЗЫ,

«Егемен Қазақстан»

Маңғыстау облысы

СОҢҒЫ ЖАҢАЛЫҚТАР

23.01.2018

Қысқы Олимпиаданың жеңімпаздары мен жүлдегерлеріне қанша сыйақы берілетіні мәлім болды

23.01.2018

Ертең Астанада мектеп оқушылары мен колледж студенттеріне сабақ болмайды

23.01.2018

Бүгін Үкімет отырысында қандай мәселелер талқыланды?

23.01.2018

Мемлекет басшысының төрағалығымен Қауіпсіздік Кеңесінің отырысы өтті

23.01.2018

Оңтүстік Қазақстан облысының кәсіпкерлері Атырауда алма өсіреді

23.01.2018

Атырауда пойыз жолдан шығып кетті

23.01.2018

Павлодарда «Мұнай-химия зауыты» ЖШС бас инженері тағайындалды

23.01.2018

Атырау халқы Фариза ақынды еске алды

23.01.2018

Павлодарда жолда қалған өскемендіктерге көмек көрсетілді

23.01.2018

Ауғанстанда қаза болған отандасымыздың денесі жақын күндері елге жеткізіледі

23.01.2018

Солтүстік Қазақстан делегациясы Біріккен Араб Әмірліктерінде болды

23.01.2018

Бесқарағайда аяз 45 градусқа дейін жетті

23.01.2018

ИДМ: Қазақстандық әуе компанияларынан шектеулер алып тасталды

23.01.2018

Үкімет отырысында сот және құқық қорғау қызметінің ақпараттық жүйелері қаралды

23.01.2018

Тұрғын үймен қамтамасыз етілудің жыл сайынғы өсімі 10% деңгейде болуы тиіс — Б. Сағынтаев

23.01.2018

Астана әкімдігі аязды күні жұмыс уақытын қысқартуды ұсынды

23.01.2018

Б.Сағынтаев: Аязды күндері қызметкерлеріңізді жұмыста ұзақ ұстамаңыздар

23.01.2018

Түркия Сириядағы күрд жасақтарына қарсы әскери операция жүргізуде

23.01.2018

Оңтүстік жастарын шетелдің оқу орындары шақырады

23.01.2018

Ұлттық нақышты ту еткен

ТАҒЫ ЖҮКТЕУ
КОЛУМНИСТЕР

Қарашаш ТОҚСАНБАЙ, «Егемен Қазақстан»

Сынның да сұрауы бар

Кейде өмірдің мәнін тым ерте жас­тан түсініп қою да адамға қиындық туғызады. Сондықтан кім-кімнің де өз жасына лайық ой толғап, өмір сүргені қандай ғанибет еді. Конфуций «Кеңес пен толғам» ғақлиясында «Ұстаз айтыпты:

Сүлеймен МӘМЕТ, «Егемен Қазақстан»

Донор әке – дүбәра ұрпақ

Біз қазір ұлт болу, мәңгілік ел болу жолында келеміз. Бұл бабалар бағыттаған, бүгінгілер ақ-адал жалғасақ деген ұлы ниеттен туындап отыр. Әлемдік қарбаласта өз бет-бейнемізбен салған сара жолымыз даңғылға айналу үстінде. Ең бастысы, осы жолда ұлттық үрдісімізбен жүрсек, жұтылу мен тұтылудан алыс боларымыз ақиқат.

Ермухамед Мәулен, «Егемен Қазақстан»

Бапкерлер легионы

Жыл сайын Қазақстан премьер-лига клубтарының қыруар қаржы жұмсап шетелдерден сатып алатын легионерлерін санамалап, олардың көрсеткен нәтижелерін саралап жүретін әдетім бар. Футбол деген үлкен сиқырға арбалып қалған кез келген адамға таныс құбылыс. Өткенде ғана маусым бойына 4 ойын өткізіп, 10 ай бойы жалақы алып келген сербиялық футболшы туралы жаздым. Біздің клубтардың бармақ басты, көз қысты әрекеттері мұнымен де шектелмесе керек. Командаларымыздың тағы бір әдеті – жыл сайын бапкер ауыстыру. 

Жақсыбай САМРАТ, «Егемен Қазақстан»

Ортақ тіл табысуға ұмтылыс бар

Бір халықты екіге жарып, ағайын­­ды бір-біріне қарсы қойған ғалам­дық саясат, екі түрлі саяси жүйе корей халқын әлі де бір-бірі­не жат қылып отыр. Жақындату тү­гі­лі кейде бір-біріне деген жаулық ни­­ет­терін де жариялап, бітіспейтін көз­­қараста екендіктерін білдіріп қоя­ды.  

Дархан ӨМІРБЕК, «Егемен Қазақстан»

Сөз еркіндігі және балама пікірге төзімділік

АҚШ-та білім алып жүргенімізде екі апта бойы сөз бостандығы абсолют­тік болуы тиіс пе деген тақырыпты тал­қыладық. 

Тағы да оқу

Пікірлер(0)

Пікір қосу