Аумақтық сайлау комиссияларының хабарлауынша, Ақмола облысы бойынша 136, Ақтөбе облысында – 77, Алматы облысында – 129, Шығыс Қазақстан облысында – 131, Батыс Қазақстан облысында – 95, Қарағанды облысында – 129, Қызылорда облысында – 72, Маңғыстау облысында – 26, Солтүстік Қазақстан облысында 138 ауылдық округ әкімдері сайланды.
Ауыл әкімдерін сайлау кезіндегі дауыс беру, дауыстарды санау және қорытынды шығару рәсімдері сайлау туралы заңнамаға сәйкес өтуде.
Сайлау тиісті аудан (облыстық маңызы бар қала) мәслихаты депутаттары – таңдаушылардың отырысында өткізіледі. 24 тамызға дейін жалғасатын сайлау нәтижесінде республика бойынша барлығы 1 413 әкім сайланатын болады.
«Егемен-ақпарат»
