Мэйвезер мен МакГрегор: кім мықты?

Алдағы жексенбі күні америкалық кәсіпқой боксшы Флойд Мэйвезер мен ирландиялық UFC жекпе-жегінің жарқын өкілі Конор МакГрегор бокс ережесі бойынша 69,9 килода жұдырықтасады. Осы кездесуге орай бокс жанкүйерлері үшін алдағы жекпе-жектен не күтеміз? Кім жеңеді, кім жеңіледі? Бокс мамандары мен кәсіпқой боксшылар бұл кездесу туралы не айтып жатыр? деген сұрақтарға жауап іздеп көрген едік.
Егемен Қазақстан
25.08.2017 1479
2

Бұл шоудың әлқиссасы сәл әріректен басталады. Өт­кен жылдың мамыр айында шет­елдік басылымдар Мэй­везердің UFC тарланы Мак­Грегорға жекпе-жек өткізу тура­лы ұсыныс жасағанын, олардың 2016 жылдың жазында жұ­дырықтасуы мүмкін екенін жазып жатты. Бірақ, бұған ол кезде ешкім сене қойған жоқ еді. Көпшілік мұны Мэйвезердің іші пысқан кезіндегі кезекті бір әңгімесі шығар деген болатын. Ел арасындағы гу-гу әңгімеге UFC президенті Дэйн Уайттың «МакГрегормен кездесу өткізгің келсе, маған хабарлас», деп Мэйвезерге айтқаны отқа май құя түсті.

Сөйтіп, бір жылдық сөз қағысудан кейін кәсіпқой бокс пен аралас жек­пе-жектің қаржылай «магнаттары» 15 маусым күні Флойд Мейвезер мен ирландиялық Конор МакГрегордың 26 тамыз күні жекпе-жек өткізуге келіскендерін жариялады. Бір қызығы, екі спорт өкілінің бір-бірімен кездесуі тарихта екінші рет қайталанып отыр. 1976 жылдың 26 маусымында аты аңызға айналған әйгілі бокс­шы Мұхаммед Әли мен ж­апониялық рестлер және каратэ спортының өкілі Антонио Иноки арасында өткен-ді. То­киода ұйымдастырылған кеш екі спортқа да бейтарап ереже бойынша ұйымдастырылып, тең нәтижемен аяқталған болатын. Ал біз сөз етіп отырған Мэй­везер-МакГрегор жекпе-жегі бокс ережесі бойынша өтеді. Былайша айтқанда, арыстанды суға жіберіп, қолтырауынмен төбелестіргенмен бірдей болмақ.

Аталған жекпе-жекті әлем жанкүйерлері тағатсыздана кү­туде. Тіпті, қазақстандық кө­рер­мендердің де бұл айқасты тамашалауға аса ниетті екенін әлеуметтік желілер мен түрлі сайттарға жазған пікірлерінен бай­қауға болады. Ал «Не сойса да қасапшы сойсын» деген ұстанымдағы спорт сарапшылары бұл кездесуді көруге ынталы емес. Және де жанкүйерлерді Го­ловкин-Альварес жекпе-жегіне баруға үгіттеп жатыр. Олар мұ­ны тек бизнес үшін жасалған шоу екенін айтады. Америкалық танымал промоутер Лу Дибелла болса, бұл кездесуді бокс емес, спектакль деп атады. «Бұл бокс кеші емес, бұл – спектакль. Мэй­везер-МакГрегор бокстың шоу екенін дәлелдеді», дейді. Десе де, кәсіпқой бокстың өзі шоу-бизнес екенін естен шығармаған жөн.

Енді аталған кездесу туралы пікір айтып жатқан спорт сарапшылары мен әлемге танымал спортшылардың болжамдарынан мысал келтіре кетейік. Бірқатар бокс мамандарының айтуы бойынша, бұл айқаста Флойд Мэйвезер қарсыласын еш қиындықсыз жеңетініне күмән келтірмейді. Ауыр салмақтағы әлемнің экс-абсолютті чемпионы Леннокс Льюистің пікірінше, бұл кездесуді толыққанды жек­пе-жек деп айту қиын. «Шы­нымды айтсам, мұны жекпе-жек деп есептемеймін. Жанкүйерлер бұл айқасқа «МакГрегор аяқпен теуіп қоймай ма екен?» деген сұрақтың жауабын іздеу үшін баратын шығар», дейді ол. Ал атағы жер шарына таралған әйгілі промоутер Боб Арум: «О, тоба. Бұл қандай бокс бол­мақ? МакГрегордың бұл кеште титтей болсын жеңіске жетуге мүмкіндігі жоқ», деп бұл жекпе-жекке таңданысы мен пікірін осылайша білдірді.

Үлкен Флойд Мэйвезер ұлы­ның жеңіске жететініне күмән келтірмейді. Сондай-ақ, алпыс жасты алқымдағанына қарамастан ол: «Конорды мен де жеңе аламын», деп бүкіл әлемге жар салды. «Тыңдаңыздар, мен 64 жастамын, ол (МакГрегор) – 28 жаста болса да, менің соқ­қыларыма төтеп бере алмайды. Тіпті, көз ілеспес жылдам­дығым­нан менің соққым қайда бағыт­талғанын да білмей қала­ды», деп өзінің әлі тың екенін жанкүйерлерге дәлелдегендей болды. Осы орайда Геннадий Головкиннің бапкері Абель Санчестің пікірін келтіре ке­тейік. «Конорда жоғалтатын еш­теңе жоқ. Сондықтан, ол бұл айқаста бар күшін салу керек. МакГрегордың бұл кездесуде басты мүмкіндігі – ұзын қолдарын пайдаланып, Флойдқа соққы жасауға мүмкіндік бермеу. Ол әр үш минут сайын толық жұмыс істеуі керек. Және де Мэйвезердің қателесуіне мүмкіндік тудырып, орайы келгенде анық соққылар жасауы тиіс. Сонда ғана ирландиялық боксшы жеңіске жетеді», деп UFC өкіліне ақыл-кеңес берді. Ал Жанат Жақияновтың про­моутері Рикки Хаттон Конор МакГрегордың нокаутпен же­ңіске жететініне сенеді. «Флойд қазір бұрынғы бабында емес. Ол қазір шау тартып қал­ды. Меніңше, Конор нокаутпен жеңіске жетеді. Және соны қатты тілеймін. Өйткені, мен МакГрегордың жанкүйерімін», деп ирландиялық боксшыға тілектес екендігін жеткізді.

Бұл сарапшылар мен маман пікірінің бір парасы ға­на. Шетелдік басылым бет­те­рінде күн сайын бірнеше бол­жамдар мен сараптамалы пікірлер жарияланып жатыр. Олардың көбі алдағы кездесуде МакГрегордың жеңіске жетуге еш мүмкіндігі жоқ еке­нін алға тартуда. Бірақ, мұны тек әр адамның пі­кірі ретінде қабылдаған дұрыс. Өйт­кені, ирландиялық бокс­шының да бір ойлаған жос­пары бар. Оның үстіне, МакГрегор аме­рикалық боксшыдан 12 жас­­қа кіші. Жас айырмашылық бәрібір маңызды рөл атқа­ра­тыны белгілі. Сонымен қатар, Конор­дың америкалық бокс­шыға қарағанда дене бітімі де ірі. Дегенмен, дәл қазір­гі сәтте екі спортшының да жеңіске же­туге деген мүмкіндігі тең. Кімнің жеңіске жететінін 27 тамыз күні білетін боламыз.

Әли БИТӨРЕ,
«Егемен Қазақстан»

СОҢҒЫ ЖАҢАЛЫҚТАР

21.11.2018

«Қасиетті Қазақстан: Туған жерге тағзым» атты тарихи-танымдық экскурсиялар сериясы басталды

21.11.2018

ҰБТ-ға өзгерістер енгізіліп жатыр

21.11.2018

Мемлекет басшысы бірқатар заңдарға қол қойды

21.11.2018

Елбасы білім беру жүйесін одан әрі жаңғырту мәселесі жөнінде кеңес өткізді

21.11.2018

Түркістанның ежелгі беделін қайта көтеру – бүкіл түркі әлемі үшін үлкен жетістік болады

21.11.2018

Мархабат Байғұт: Әлемдік әдемі әңгіме

21.11.2018

Түркі киносын әлемге танымал етудің жайы талқыланды

21.11.2018

Бердібек Сапарбаев Ақтөбе қаласындағы өндіріс нысандарын аралады

21.11.2018

«Егемен Қазақстан» газетінің журналистері болашақ тілшілермен кездесті

21.11.2018

Голландиялық бизнесмен Ақтөбе облысының инвесторларға тартымды екенін айтты

21.11.2018

Нұрболат Ахметжанов: Көне тарих көмескі тартпасын

21.11.2018

Әбдіманап Бектұрғанов: Тарихқа тағзым

21.11.2018

Қ.Әбдірахманов: «Ұлы даланың жеті қыры» әлем мәдениетін жақындастырады

21.11.2018

Павлодарда археологтар б.з.д. 5-ші мыңжылдықта жерленген жылқылар сүйектерін тапқан

21.11.2018

«Ақтөбе» футбол клубы сенімді басқармаға берілді

21.11.2018

Ұлттар Лигасының қорытындысы шығарылды

21.11.2018

Такир Балықбаев: Жаңа еңбек жаңаша ой салды

21.11.2018

Ақтөбеде кәсіп бастағысы келетін жандарға кеңес берілді

21.11.2018

Мәулен Әшімбаев: Ұлт тарихын танудың жаңа кезеңі

21.11.2018

Chartbeat жобасы аясындағы байқау жеңімпаздары ашық деректер панелін құрады

ТАҒЫ ЖҮКТЕУ
КОЛУМНИСТЕР

Жақсыбай САМРАТ, «Егемен Қазақстан»

Táýelsizdiktiń tánti bolar tusy kóp

Jylda, Táýelsizdik kúni jaqyndaǵan saıyn osy ýaqyt ishinde elimiz qandaı jetistikterge jetti degen saýaldy ózimizge qoıyp, ony saralaýǵa tyrysamyz. Biraq mundaıda jappaı aıtylyp júrgen jetistikterdi emes, ózimiz baıqaǵan jeke kózqarastaǵy tabystardy taldaýǵa tyrysamyz. Sonyń ishinde kózge túsetin bir ǵanıbetti jańalyq – halqymyzdyń burynǵydaı eshkimnen qysylmaı, kimmen bolsa da ómirdiń barlyq salasynda ıyq teńestire túskeni.

Анар ТӨЛЕУХАНҚЫЗЫ, «Егемен Қазақстан»

Stokgolm sındromy

Jumyr jerdiń betinde sany jaǵynan bizden áldeqaıda kóp, alaıda táýelsiz el atanýdy mańdaılaryna jazbaǵan, ol oryndalmas armandaı kórinetin halyqtar az emes jeterlik. Jaratqannyń qalaýymen qolǵa tıgen táýelsizdik qazaq balasynyń eń bir asyl muraty edi.

Талғат БАТЫРХАН, Егемен Қазақстан

«Baı bolsań halqyńa paıdań tısin»

«Batyr bolsań jaýyńa naızań tısin, Baı bolsań halqyńa paıdań tısin». Kezinde aıyr tildi Áıteke bı aıtqan aqyldy sóz. Keler ǵasyrlarǵa da keter ǵaqlıa.

Сейфолла ШАЙЫНҒАЗЫ, «Егемен Қазақстан»

Esi ketken eskini alady

Búginde avtomobıl degen burynǵydaı baılyqtyń, sol kólikti satyp alǵan adamnyń áleýmettik jaǵdaıynyń jaqsy ekendiginiń kórsetkishi bolýdan qalyp barady. Bir úıde eki, keıde úsh avtokóliktiń bolýyn, tipti keıbir jumyssyz júrgenderdiń de avtokólik satyp alýyn oǵan mysal retinde keltirýge bolady. Osy oraıda avtomashınalardyń sonshalyq kóbeıip ketýiniń syry nede degen saýaldyń týyndaýy da zańdy. 

Сұңғат ӘЛІПБАЙ, «Егемен Қазақстан»

Qala jáne qazaq

Astana – jastar qalasy. Qala kóshelerinde kele jatyp aınalańa qarasań kóbinese jastardy kóresiń. Demek, Astana – bolashaqtyń qalasy. Osy Astana arqyly qazaqtardyń qala halqyna aınalyp kele jatqandyǵyn jáne aınala alatyndyǵyn anyq baıqaýǵa bolady.

ҰҚСАС ЖАҢАЛЫҚТАР

Тағы да оқу

Пікірлер(0)

Пікір қосу