Ұлттық спорт • 08 Қыркүйек, 2017

Әлем барысы ‒ 2017. Айбек пен Ержан жартылай финалға шықты

57 реткөрсетілді

Астанада өтіп жатқан «Әлем барысы ‒ 2017» турнирінің ширек финалында қос бірдей «Қазақстан барысы» бір-біріне қарсылас атанды.

Ширек финалда екі қазақ балуаны Айбек Нұғымаров пен Еламан Ерғалиев белдесіп, кездесудің алғашқы үш минутында Елман жамбас ұпайымен жеңіп жатқан болатын. Алайда, күрестің соңғы минутында Айбек әдіс жасап, жартылай жеңіс ұпайымен жеңісті жұлып алды. Сөйтіп, 2013 жылғы «Қазақстан барысы» Айбек Нұғымаров «Әлем барысының» жартылай финалына шықты.

¼ финалдың екінші Моңғолия атынан сынға түсіп жатқан қазақ балуаны Серік Бердімұрат пен грузиялық Тэнторэ Масманидис негізгі уақытта бір-бірін жеңе алмады. Ал қоян-қолтық белдесуде моңғол балуаны жеңіске жетті.

Үшінші ширек финалдық белдесуде Ержан Шынкеев армениялық Акоб Аракеляннан бір жартылай жеңіс және бір жамбас ұпаймен басым түсті. Ержан жартылай финалда грузин балуаны Гурам Тушишвилимен финалдық белдесуді сарапқа салады. Гурам ширек финалда ресейлік Рустем Арслановты алып жыққан болатын.

Баннер
Соңғы жаңалықтар

Ұқсас жаңалықтар