Ашғабадта жабық ғимараттағы және жауынгерлік өнерден V Азия ойындары басталды

Кеше Түрікменстан астанасы Ашғабад қаласында жабық ғимараттағы және жауынгерлік өнерден V Азия ойындарының жалауы желбіреді. 

Егемен Қазақстан
18.09.2017 1593
2

Байрақты бәсекенің ашылу салтанатына құрметті қонақ ретінде мемлекеттер басшылары, беделді саясаткерлер, халықаралық ұйымдардың жетекшілері қатысты. Жарыстың ашылу рәсімінде 777 спортшы бәсеке байрағын 17 сағат 17 минут уақытында көтерді.

Мұның алдында, сенбі күні Ашғабадта Қазақстанның жалауы желбіреді. Атлеттер қалашығында өткен ту көтеру шарасына Қазақстан Республикасы Мәдениет және спорт министрі Спорт және денешынықтыру істері комитетінің төрағасы Елсияр Қанағатов бастаған делегация құрамы қатысты. Түрікменстан қарулы күштерінің құрметті күзетшілері туымызды жоғары көтерді. Жарыс ұйымдастырушылары естелік сыйлықтар табыс етіп, салтанатты түрде еліміздің Әнұраны шырқалды.

Мұндай додаға Азия құрлығының тұрақты түрде қатысатын 45 елінен бөлек Мұхит аймағының 17 мемлекеті тұңғыш рет сынға түсуде. Бұл жолғы жабық ғимараттағы және жауынгерлік өнерден V Азия ойындарының ұраны «Денсаулық. Шабыт. Достық» болды. Ашғабад қаласы жарысты өткізу мәртебесіне 2010 жылдың 19 желтоқсанында ие болған. Ал 2013 жылы Инчхонда (Оңтүстік Корея) өткен IV Азия ойындарында Азия Олимпиада Кеңесі жарыстың ресми туын Түрікменстанға тапсырған еді.

Жабық ғимараттағы және жауын­гер­лік өнерден Азия ойындары­ 2005 жыл­дан бері тұрақты түрде ұйым­дас­тырылып келеді. Азия чемпионаты­нан кейінгі екінші дәрежелі біріншілік ретінде саналған бұл жарысқа Қазақстан құрамасы биыл төртінші рет қатысып жатыр. 2005 жылы тұңғыш рет ұйым­дастырылған аталған турнирде біздің елдің спортшылары 23 алтын, 15 күміс және 6 қола медаль иеленген болатын. Жалпы саны 44 жүлдемен медаль көрсеткіші бойынша жалпыкомандалық есепте екінші орын алған. Бірінші орынды 57 жүлдемен (24 алтын, 18 күміс, 15 қола) Қытай спортшылары иеленген-тін. Ал медаль саны бойынша Қазақстан құрамасынан озған, бірақ алтын жүлде бойынша кем жинаған (20 алтын, 21 күміс, 33 қола) Таиланд құрамасы үздік үштікті қорытындылаған еді.

Араға екі жыл салып жабық ғимарат­тағы және жауынгерлік өнерден Азия ойындары Қытайдың арнайы әкімшілік ауданы саналған Макао қаласында өтті. Бұл додаға Азияның 44 елінен келген 1800-ге жуық спортшы спорттың 17 түрінен өз бақтарын сынады. Қазақстан құрамасының спортшылары бұл сында медаль бойынша екі жыл бұрынғы нәтижесін қайталай алмады. Спортшыларымыз Макаода тоғыз алтын, 20 күміс және 13 медальмен жалпыкомандалық есепте үздік бестікке енді. Медаль көрсеткіші бойынша алғашқы үш орынды Қытай (25, 26, 24), Таиланд (19, 28, 22) және Гонконг (15, 9, 11) иеленді.

Вьетнамда өткен үшінші Азия ойын­дарында Қазақстандық спортшылар спорттың он түрінен құрама қоржынына 58 жүлде салды. Ең көп медальді жүзу спортынан сынға түскен спортшыларымыз иеленді. Олар 10 алтын, 9 күміс және 8 қола жүлде жеңіп алды. Ал екінші көрсеткіш жеңілатлеттерімізге тиесілі болды. «Спорт падишасы» аталған спорт түрінен отандастарымыз алты алтын, төрт күміс және төрт қола медальді місе тұтты. Өзбекстанның белбеу күресі мен кикбокстан ұлттық құрама спортшыларына қос-қос алтын жүлде бұйырды. Жалпы есеп бойынша, Қазақстан құрамасы 21 алтын, 16 күміс және 22 қола медаль еншіледі. Медаль жиынтығы бойынша үшінші сатыдан көрінді. Бірінші орында әдеттегідей Қытай құрамасы (48, 25, 19) болса, жарыс­ты ұйымдастырушы Вьетнамға екінші орын бұйырды.

Төртінші жабық ғимараттағы және жауынгерлік өнерден Азия ойыны 2011 жылы Қатарда өту керек болатын. Алайда, Қатар бұл жарысты өткізуден бас тартты. Сөйтіп, ол жылы Азия ойындары тарихта тұңғыш рет өтпей қалды. Келесі Азия ойындары 2013 жылы Оңтүстік Кореяның Инчхон қаласында өтті. Бұл дода 2014 жылы дәл осы қалада ұйымдастырылатын Азия ойындары алдында өткізілген соң, көп мемлекет спортшыларын жібермей қалды. Сөйтіп, жарысқа Азияның 44 елінен 1500-ден аса спортшы қатысты. Бір аптаға созылған бәсекеде қазақстандық спортшылар 31 медальға қол жеткізді. Оның жетеуі алтын, сегізі күміс және он алтысы қола. Жалпыкомандалық есепте бесінші орынды қанағат тұтты. 

  Биылғы байрақты бәсекеге Азияның 62 елінен келген 6000-ға жуық спортшылар спорттың 21 түрі бойынша сынға түсуде. Ал Қазақстан құрама сапынан 16 спорт түрі бойынша 181 спортшы жарыс жолына шығады. Олардың қатарында Олимпиада ойындарының чемпионы Ольга Рыпакова да бар. Тағы бір айта кетер жайт, биылғы жабық ғимараттағы және жауынгерлік өнерден Азия ойындарының бағдарламасына белбеу күресі бойынша қазақ күресі де енген. Бұл сында ел намысын Қасымхан Түленбаев (70 кг), Әділжан Ыстыбаев (90 кг) және «Қазақстан барысы» мен «Әлем барысы» турнирлерінің жеңімпазы Айбек Нұғымаров (+90 кг) секілді балуандарымыз қорғайды. 

Жарыс ресми түрде кеше ашылғаны­мен, негізгі бәсекелер 16 қыркүйекте басталып кетті. Бір қызығы, доданың бірінші күнінде Түрікменстан спортшылары 16 алтын, 14 күміс және 7 қола медаль иеленіп, тарихи нәтижеге қол жеткізіп отыр. 2013 жылғы біріншілікте Түрікменстан құрамасы екі алтын медаль ғана алған болатын. Әзірше Қазақстан құрамасының қоржынында үш қола медаль бар. Үш медальді де джиу-джитсу спортының өкілдері иеленді. Атап айтар болсақ, Жанболат Закарин (69 кг), Нұрлан Есполов (77 кг) және Қуандық Есенеев (85 кг). Иран және Вьетнам спортшыларымен бірдей үш қола жүлде иеленген Қазақстан құрамасының спортшылары жалпыкомандалық есепте сегізінші орында келеді.

Әли БИТӨРЕ,
«Егемен Қазақстан»

СОҢҒЫ ЖАҢАЛЫҚТАР

24.03.2019

Куршад Зорлу: Түркі әлемінің Ақсақалы

24.03.2019

Нұр-Сұлтан қаласы. Астананың атауы өзгерді (видео)

24.03.2019

Алматыда дәстүрлі әндер кеші өтті

24.03.2019

Қаламқас кен орнында болған апат себептері анықталып жатыр

24.03.2019

Қасым-Жомарт Тоқаев Алик Шпекбаевты қабылдады

24.03.2019

Астана мен Алматы ТМД-да ең танымал қалалардың қатарына қосылды

24.03.2019

Елорда атауының өзгеруіне байланысты құжаттарды ауыстыру қажет емес

24.03.2019

Жетісудағы жетістіктер Үкімет басшысының назарына ұсынылды

24.03.2019

Қазақстан және Ресей матчы 22:00-де басталады

24.03.2019

Қасым-Жомарт Тоқаев «Самұрық-Қазына» акционерлік қоғамы басқармасының төрағасы Ахметжан Есімовті қабылдады

24.03.2019

Мемлекет басшысы Жоғарғы Сот төрағасы Жақып Асановты қабылдады

24.03.2019

Қ.Тоқаев Мемлекеттік қызмет істері және сыбайлас жемқорлыққа қарсы іс-қимыл агенттігінің төрағасы қабылдады

24.03.2019

Самбошы Бағлан Ибрагим – Әлем кубогының иегері

24.03.2019

Мұрат Нұртілеуов Президент көмекшісі болып тағайындалды

24.03.2019

М.Тәжин Мемлекеттік хатшы қызметіне тағайындалды

24.03.2019

Б.Сағынтаев жаңа лауазымға тағайындалды

24.03.2019

Кремльді тамсандырған Димаш

24.03.2019

Димашқа өзі бейнеленген қуыршақ сыйға берді

24.03.2019

Маңғыстаулық 40 мың жұмысшы астанамыздың Нұр-Сұлтан болып өзгеруін оң шешім деп бағалады

24.03.2019

Бақыт Сұлтанов елорда атауын өзгерту туралы: Біз барынша үнемді жолды таңдаймыз

ТАҒЫ ЖҮКТЕУ
КОЛУМНИСТЕР

Айнаш ЕСАЛИ, «Егемен Қазақстан»

Etjeńdi balalar

Qoǵam kóz jumyp qaraı almaıtyn máse­lelerdiń basynda bala densaýlyǵy tur. Bú­gin­de mańaıymyzǵa zerdelep qaraıtyn bolsaq, tyǵynshyqtaı, tolyq jasóspirimder kó­beıe túsken. Semizdik – aýrý bolyp esep­teletindikten, qazirgi ýaqytta dıspanserlik esep­ke alynady. Sábı saýlyǵy ana qursaǵyna bit­­ken kúnnen bastap qalyptasatyndyǵyn al­dymen ata-anasy túsinýi qajet.

Amangeldi QURMET,

Igi bastama ult tanymymen úılesýi tıis

Keıde qazaq qoǵamyndaǵy oqıǵalar men qubylystarǵa nazar aýdarǵan kezde «Biz ózi­mizimdi ózimiz tolyq tanymaımyz-aý osy» degen oıǵa qalatynymyz bar. Árıne, qa­zaq ekenimizdi, bizdiń de tanym-túısigimiz, dúnıetanymymyz, ar­man-ańsarymyz, muraty­myz bar ekenin bilemiz. 

Арнұр АСҚАР, «Егемен Қазақстан»

Алты жасар Алпамыстың арманы не еді?

«Білесің бе, оқитын болсам тез өсіп, үлкен бастық болам. Оқуды да тез бітіремін. Тез келіншек аламын. Сосын менің он екі ұлым болады. Оның бірі колхоз бастығы, екіншісі агроном, үшіншісі мұғалім, бәрі де үлкен-үлкен бастық болады...»

Думан АНАШ, «Егемен Қазақстан»

Kúmis tostaǵandaǵy kóne álipbı

Kóne órkenıet oshaqtarynan urpaqqa mura bolyp qalǵan qundy dúnıelerdiń bi­ri – adamzattyń aqyl-oıyn taspalaǵan jazý­lar. Elbasy «Uly dalanyń jeti qyry» atty ma­qalasynda Esik qorymynan tabylǵan «Altyn adamnyń» janyndaǵy kúmis tosta­ǵan­dardyń birinde oıyp jazylǵan tańba­lar bar ekenin aıta kelip, «Bul – Ortalyq Azıa aýma­ǵynan buryn-sońdy tabylǵan jazý ataýlynyń ishindegi eń kónesi» degen bolatyn.

Жақсыбай САМРАТ, «Егемен Қазақстан»

«Jaqsy kitap – jan azyǵy»

Kitap oqıtyn jáne oqymaıtyn adamdardyń alshaqtyǵy árqashan kózge kórinip turady. Alǵashqylardyń oıy tereńdeý, tili sheshendeý bolsa, sońǵylardyń tili tutqyr, aýzynan sózi túsip turatynyn jıi kóresiz. Máseleni jaqsy bilip tursa da, ondaılar oıyn jetkize almaı, ábden qysylady.

ҰҚСАС ЖАҢАЛЫҚТАР

Тағы да оқу

Пікір қосу