Екі күнге созылатын мерейтойлық шаралар 22 қыркүйек күні Бесқарағай ауылында ақындар айтысынан басталады.
«Ақын мерейтойына арналған негізгі шаралар 23 қыркүйек күні өтеді. Бұл күні Қарағайлы ауылында айтыскердің кеуде мүсіні ашылып, «Өз дәуірінің үні болған ақын» атты ғылыми-тәжірибелік конференция, қолөнер шеберлерінің көрмесі, ат жарысы, өзге де спорттық-танымдық іс-шаралар ұйымдастырылады. Сонымен қатар «Нұрлыбек Баймұратов» атты деректі фильмнің көрсетілімі болады», - дейді Бесқарағай аудандық ішкі саясат, мәдениет және тілдерді дамыту бөлімі басшысының міндетін атқарушы Әсемгүл Қалтаева.
Азамат ҚАСЫМ,
«Егемен Қазақстан»
Шығыс Қазақстан облысы, Бесқарағай ауданы
