Мемлекет басшысының атына Л.Н.Гумилев атындағы Еуразия ұлттық университетінің магистранттары Жадыра Ақылова мен Наркес Орынбаевадан хат келді, деп хабарлады Қазақстан Республикасы Президентінің баспасөз қызметі.
Магистранттар хатында жақында еліміздің бір топ талантты жастарының қатарында Елбасының қабылдауында болғанын жазады.
«Біз «Назарбаев стипендиясын» алған күнді өміріміздегі ең бақытты, ең арайлы күн деп есептейміз. Бұл бізге ғана емес, бүкіл жастарға деген Сіздің сеніміңіз бен үмітіңіз деп білеміз. Сондықтан бізге артқан сеніміңізді абыроймен ақтау үшін бар күш-жігерімізді, уақытымызды терең білім алуға, ғылымның биіктерін бағындыруға жұмсаймыз», – делінген хатта.
Авторлар хат соңында Президентке алғыс сезімдерін білдіріп, ұзақ өмір, толайым табыс тілеген.