Бүгінде Қазақстанда футбол танымалдылығы жағынан жыл санап артып келе жатқан ойын түрі. Сондай-ақ күн өткен сайын жанкүйерлер саны да өсіп, кең қанат жаюда. Осы орайда отандық футболдың құрмет тақтасынан өзін көргісі келетін оқушылар қатары көбейіп келетіндігін айта кету ләзім. Осындай арман жетегінде жүрген қазақстандық оқушыларға «Coca-Cola» компаниясы бірнеше жыл қатарынан өз демеушілігін көрсетіп келеді.
Астанада елімізде ашылған «Coca-Cola былғары доп» жастар арасындағы футбол турнирінің 6-шы маусымына орай баспасөз конференцияы өтті. Баспасөз мәслихатына «Coca-Cola» компаниясының Орта Азия және Қазақстан бойынша Үкіметпен бұқарамен байланыс менеджері Арыстанбек Нұрмаханов және ҚФФ балалар мен жасөспірімдер футболы департаменті төрағасының орынбасары Игорь Утробин қатысты. Олар жиынға қатысушыларға «Coca-Cola былғары доптың» алдыңғы ойындардың жетістіктері мен жас футболшыларды алдағы ашылған маусымда қандай қызық күтіп тұрғандығынан егжей-тегжейлі хабардар етті.
2006 жылдан бері өткізіліп келе жатқан «Coca-Cola былғары доп» турнирі елімізде футбол бойынша ең ірі жасөспірімдер жарысы болып табылады. Осы мерзім ішінде турнир үлкен құрылу жолынан өтіп үлгерді. Өткен ойын маусымында оған Қазақстанның түкпір-түкпіріндегі 5 мың мектептен 350 мың оқушы қатысты. Бұл турнирдің кең қанат жайып, оған қатысушылар санының артып келе жатқандығын айғақтайды.
Өткізіліп жүрген турнирдің жоғары дәрежеде ұйымдастырылу сапасы алғашқы жылы-ақ халықаралық сарапшылар тарапынан жоғары бағаланды. «Coca-Cola былғары доптың» ерекше мақтанышы УЕФА футбол ассоциацияларының еуропалық одағы берген наградасы – УЕФА президентінің өзі қол қойған «Балалар мен жасөспірімдер футболын дамыту бойынша әлемдегі ең құнды шара-2006» дипломы. Осындай ең жоғарғы деңгейге көтерілген әу бастағы межеден түспес үшін ұйымдастырушылар әлі күнге дейін турнир сапасын төмендетпей ұстап келе жатыр. Ұйымдастырудың жоғары шеберлігінің ерекше дәлелі – турнирге қатысқан бұрынғы футболшылардың қазіргі жетістіктері болып табылады. Бүгінде отандық футболды дамытудың Президенттік бағдарламасы аясында атақты OLE Brazil бразилиялық мектебінде 26 қазақстандық бозбала оқып жатыр. Оның 14-і қазақстандық алаңдарда осы турнир ойындары аясында жеткен жетістіктері арқылы беделді Бразилия мектебінде оқу құқы мәртебесін жеңіп алған «Coca-Cola былғары доп» турнирінің әр жылдардағы келешегі зор қатысушылары болып табылады.
Турнирден «түлеп шыққандардың» жетістіктеріне отандық футболдың жаңа өсіп келе жатқан жұлдызы Сергей Хижниченконы ерекше атап өтуге болады. 2006 жылы мұрты енді ғана тебіндеген жап-жас Сережа «Coca-Cola былғары доптың» жоғары жас категориясы бойынша үздік форварды атанған болатын. Ал бүгін Сергей – Қазақстанның ұлттық құрамасының ең үздік ойыншыларының бірі, қарағандылық «Шахтер» шабуылшыларының көшбасшысы, Қазақстан Премьер лигасының екінші үздігі болып табылады.
– «Хижниченконың футбол жетістіктерінің шыңына шығу жолы «Coca-Cola былғары допқа» қатысудан басталды», дейді бұл жөнінде «Coca-Cola» компаниясының Орта Азия және Қазақстан бойынша Үкіметпен және бұқарамен байланыс менеджері Арыстанбек Нұрмаханов. Оның жетістігі – турнир мақсатының, яғни біздің компанияның алға қойып отырған межесінің көрінісі болып табылады. Біздің отандастарымыздың, оның ішінде біз өткізген турнирге қатысқан жас футболшылардың Бразилиядағы футбол майталмандарынан дәріс алуы, сондай-ақ ұлттық құраманың мақтанышы болуы турнирдің қажеттілігін, оны одан әрі дамытып әкетудің керектігіне сенім беріп, жігерлендіре түседі. Жастарды жан-жақты дамытуда атқарып жатқан жұмыстарымыздың дұрыстығына тағы бір мәрте көз жеткізеді».
Ал жас спортшыларды турнир ұйымдастырушылары тарапынан биыл қандай жаңалықтар күтіп тұр? Осы сұраққа жауап берген мәслихатшылар балаларды көптеген қызықты өзгерістер күтіп тұрғанын мәлімдеді.
Алдымен, 2011-2012 жылдар маусымы «Coca-Cola былғары доптың» дамуындағы жаңа айналым болмақ. Қазақстан Тәуелсіздігінің 20 жылдығына орай, ел спортының халықаралық ареналардағы жетістіктері мен атақ-даңқының өсуін есепке ала отырып, турнирді «Күз-Көктем» еуропалық стандартына сәйкес өткізу жоспарланып отыр. Турнирдің алғашқы топтық бөлімінде топтық жарыстар өткізіліп, іріктеу турының жеңімпаздары келесі жылдың көктемінде плей-офф кезеңінде бір-бірімен кездеседі. Ұйымдастырушылар мамыр айында барлық жас категориялары бойынша кіші (2000-2001 жылы туылғандар), орташа (1998-1999 жылы туылғандар) және жоғары (1996-1997 жылы туылғандар) топтар арасында финалдық кездесулерді өткізуді жоспарлап отыр.
Бұдан өзге 2010 жылғы ойын маусымындағыдай, турнир демеушісі «Coca-Cola» компаниясы биыл да финалдық кезеңге қатысушы барлық категориялардағы ойыншылардың тамағы мен жатын орын шығындарын өздері көтермек. Осылайша, турнир ұйымдастырушылары балалардың өздерін жайлы сезінуіне жағдай жасамақ.
Қорытындысында айтарымыз, қол жеткізілетін жеңімпаз даңқы мен абырой-беделден өзге жоғарғы жас категориясында чемпион атанатын командаға қосымша сый әзірленуде. Ол 2012 жылы тамыз айында Еуропаның ең атақты футбол алаңдарының бірін өз көздерімен көріп қайту мүмкіндігі болмақ. Оған әлемдегі 30-дан астам елден командалар қатысатын «Сора Coca-Cola» балалар мен жасөспірімдер арасындағы халықаралық футбол турнирі себеп болып отыр. Өйткені биылғы жылдан бастап бүкілқазақстандық «Coca-Cola былғары доп» футбол турнирі оның бір бөлігіне айналды.
Венера ТҮГЕЛБАЙ.