- Қарсыласты зерттеп білдік. Әр ойыншы өзінің жұмысын жақсы біледі. Алдымызда тұрған мақсатты орындауға ұмтылатын боламыз.
- 5 қарашадан бері небәрі 2 ғана ойын өткіздіңіздер. Бұл кері әсерін тигізбей ме?
- Әрине, кішігірім кедергі боатын да шығар. Дегенмен, барлық футболшы өз бабында. Ойында болатын мүмкіндіктерді мүлт жібермесек болды. Басқасы екінші орында.
- Прага қаласы Сізге ұнады ма?
- Қала ұнады, алайда біз осы матчты жеңу үшін келдік. Бапкеріміз осы жерде апта бұрын жаттығу бастатты. Енді ойымыз үйге жеңіспен қайту.
- «Славияға» тең нәтиже жетеді. Сондықтан да, ертеңгі матчта сіздің командаңыз бірден шабуылға шыға ма?
- Жоқ, «Славия» шабуылдайды деп ойлаймын. Себебі, оларға тең нәтиже жеткілікті болғанымен, жергілікті жанкүйерлердің алдында шабуылға шығатыны анық.
