Бұл сабақтардың мақсаты – Қарулы Күштердің хабарландыру жүйесін тексеру, жауынгерлік әзірліктің жоғары дәрежесін жүргізу барысында әскерлерді басқару кезіндегі басқарма (штабтардың) органдарының үйлесімділігін арттыру және мақсат бойынша тапсырмаларды орындау, жинақтаушы жергілікті әскери басқару органдарымен, өзге де әскерлер мен әскери құралымдармен өзара іс-қимылға қолдау көрсету.
2018 жылы әскерлердің дайындығында негізгі күш әскери басқару органдары мен әскерлердің жауынгерлік және жұмылдыру даярлығын қолдауға шоғырландырылмақ. Сонымен бірге 2017-2020 жылдарға арналған Қазақстан Республикасының Ұлттық қауіпсіздік стратегиясы және Қазақстан Республикасының Әскери доктринасында айқындалған тапсырмалар шеңберінде әскерлердің (күштердің) жауынгерлік қабілетін арттыру бойынша кешенді іс-шаралар қабылдау жоспарлануда.
Қарулы Күштердің құрамалары мен бөлімдерінде тактикалық-саптық сабақтар жаңа оқу жылына арналған салтанатты сап түзеулер мен митингілер өткізуден басталды. Сабақтар «қарапайымнан күрделіге дейін» принципімен өткізілетін болады. Әскерлерде қатардағы жауынгерден бастап генералға дейін, барлық деңгейдегі штабтардың қатысуымен, жауынгерлік техникаларды шығару және далалық жасақтау пункттерін құру бойынша жауынгерлік әзірлік мәселелері пысықталатын болады. Қазақстан Қарулы Күштері әскери қызметшілері жауынгерлік дайындықтарды ұйымдастыру және әскерлерді басқару бойынша іс-қимылдарды тәжірибе түрінде орындайды. Сабақтар бөлімшелер мен взводтар, роталар мен батальондар, әскери бөлімдер, өңірлік қолбасшылықтар (әскер тектері), одан соң әскер түрлері деңгейінде және Қарулы Күштер көлемінде өткізілетін болады.
Еске салар болсақ, 2018 оқу жылы Қазақстан Республикасының Қарулы Күштерінде «Ұлы дала әскері – Мәңгілік ел тірегі!» ұранымен өткізілмекші.
Қайрат ЖҮНІСҰЛЫ
