Бағдарламалар • 18 Желтоқсан, 2017

Тоқаев латын графикасының нұсқасын қолдануға қатысты пікірін айтты

113 реткөрсетілді

ҚР Парламенті Сенатының төрағасы Қасым-Жомарт Тоқаев нақты шешімге келмейінше латын графикасының нұсқасын пайдаланудың әлі ерте екенін айтты.

«Ұлттық комиссия қазақ тілі латын әліпбиі бойынша нақты шешімге келген жоқ, сондықтан «апостроф» әліпбиін газеттерде я басқа жерлерде пайдалануға әлі ерте», деп жазды Қ.Тоқаев twitter-дегі парақшасында.

Еске сала кетейік, қазақ тілі әліпбиін латын графикасына көшіру жөніндегі ұлттық комиссия биыл қараша айында құрылған Үкімет жанындағы сабағаттық-кеңесші орган. Оның төрт арнайы жұмыс тобы бар. Біріншісі – орфографиялық (қазақ әліпбиін латын графикасына көшіруде орфография мен орфоэпия ережелерін дайындау үшін). Екіншісі – әдістемелік (латын әліпбиін үйрету және оқыту әдістемесін жасап, оны білім беру жүйесіне біртіндеп енгізу үшін). Үшіншісі – терминжасам (латын графикасының негізінде қазақ тілінің терминологиялық базасын жүйелеу үшін). Төртіншісі – сараптамалық-техникалық (латын графикасын ІТ-технология талаптарына сәйкес келтіру үшін). 

Баннер
Соңғы жаңалықтар

Ұқсас жаңалықтар