Қазақстан • 09 Қаңтар, 2018

Электронды қызметке екпін түсірілуде

610 рет
көрсетілді
4 мин
оқу үшін

Егемендік алған жылдар ішінде Елбасы­ның сарабдал саясатымен қоғам дамуының барлық саласында түбегейлі өзгерістер болды. 

Электронды қызметке екпін түсірілуде

Соның ішінде мемлекеттік органдардың тиімді жүйесі мен құрылымы жасалып, мемлекетті басқарудың ұтымды үлгісі іске қосылғандығын да атап өткен жөн. Елбасы Н.Назарбаевтың «Қазақстан-2050» Стратегиясында «Мемлекеттік қызмет көрсету – бұл еліміздің әлеуметтік-экономи­калық дамуының негізгі көрсеткіші» деп атап өтілген болатын. Осыған байланыс­ты, мемлекеттік органдар қызметінің тиімділігін арттыруға және аталған саланың дамуына басты назар аударуымыз қажет. 

Бұған қатысты Қарағанды облысында біршама ауқымды іс-шаралар атқарылып келеді. Айталық, Жаңаарқа ауданының атқарушы органдары ағымдағы жылы мемлекеттік қызмет көрсетудің түрлерін өз деңгейінде жүзеге асырған. Бір жыл ішінде аталмыш ауданның атқарушы органдары барлығы 69 238 мемлекеттік қызмет көрсетіпті. Оның ішінде заман талабына сай жабдықталған халыққа қызмет көр­сету орталықтары арқылы көрсетілген мем­ле­кеттік қызметтер де бар. Мысалы, «Элек­тронды үкімет» веб-порталы арқылы 97 мемле­кеттік қызмет көрсетілген. Сонымен қатар Елбасының Жолдауын жүзеге асыру мақсатында аудан тұрғындарын мемлекеттік көрсетілетін қызметтерді электронды форматта және мемлекеттік көрсетілетін қызметті «Электронды үкіметтің» веб-порталы арқы­лы алу, сонымен қатар ақпараттық сауат­­ты­лықты арттыруға бағытталған аудан орта­лығының тұрғылықты халық көп шо­ғыр­ланған көшелеріне, ауданның бар­лық кент және ауылдық округтерінде тақырып­тық баннерлер орнатылғандығы да осы жұмыс­тардың нәтижелі жалғасы болып есептеледі.

Жаңаарқа ауданы бойынша мемлекеттік қызмет көрсететін бөлім қызметкерлерінің қатысуымен өткен Көрсетіле­тін мемлекеттік қызметтердің жәрмеңкесін де көпші­лік көңілінен шықты деуге болады. Жәрмең­кенің мақсаты – аудан тұрғындарына мемле­кеттік қызмет көрсету бойынша кеңес беру, көрсетілетін мемлекеттік қыз­меттерді барынша оңтайландыру, қолжетім­ділікті дамыту, сапасын арттыру және «Электронды үкімет» порталы «Egov» ар­қылы көрсетілетін қызметтер туралы ха­лыққа кеңінен түсіндіру. Аудан тұрғын­дары үшін бұл жәрмеңкенің маңызы зор екені белгілі. Себебі мемлекеттік көрсеті­летін қыз­меттер­дің жәрмеңкесінде аудан тұрғын­дары бар­лық салалар бойынша сұрақ қойып, жауап­ алу мүмкіндігіне ие болады.

Сонымен бірге Елбасы Жолдауында көз­делген іс-шараны жүзеге асыру мақсатында аталмыш аудан әкімдігіне қарасты бөлім ұйымдары, мекеменің барлық қызметшілері жедел түрде электронды цифрлы қолтаңба (ЭЦҚ) ашып беру бойынша тиісті жоспар-кесте бекіткен. Осыған орай электронды цифрлы қолтаңбамен қамтамасыз ету және мемлекеттік қызмет­терді барынша электронды түрде, яғни «Элек­тронды үкімет» порталы» арқылы алудың тиімділігін кеңінен насихаттау жұмыс­тары жүргізілгендігі қуан­тады. Сон­дай-ақ «Өзіне-өзі қызмет көрсету бұрыш­т­арын» кент және ауылдық округтер әкімші­ліктерінде жандандыру жұмыстары жүргізіліп ұйымдастырылған.

Жалпы, мемлекетімізде қызмет алушы­лардың мемлекеттік қызметтерді алу тәртібі туралы хабардар болу деңгейін арттыру бойынша жұмыстар жүргізіледі. Оған байланыс­ты да Жаңаарқа ауданы семинар-кеңестер, дөңгелек үстелдер, брифингтер, конференциялар мен басқа да іс-шаралар өткізіп тұратын.

Одан бөлек, ауданда Қазақстан Респуб­ликасы Мемлекеттік қызмет істері және сыбайлас жемқорлыққа қарсы іс-қимыл агенттігінің Қарағанды облысы бойынша департаменті мен Қарағанды облысы әкімі аппаратының қызметкерлері семинар өткізген. Оның да басты міндеті Жаңаарқа ауданының жергілікті атқару органдарының сапалы мемлекеттік қызмет­терді көрсетуі, мемлекеттік қызмет көрсету стандарттарының нормаларын сақтауы болып табылады. Бүгінде аудан көлемінде бар­лық мемлекеттік қызмет көрсететін меке­мелерде және ХҚКО ғимараттарында мем­лекеттік қызметтерді алу, оларға арыздану мерзімдері туралы, сол сияқты 1414 бірегей байланыс орталығы туралы ақ­парат орналастырылған. Алдағы уақытта да Жаңаарқа ауданында көрсетіліп жат­қан мем­лекеттік қызметтерге халықтың қолже­тім­­ділігін қамтамасыз ету мақсатында аудан әкімі аппаратының ресми сайты жұмыс істемек. Ол жерде де электронды қыз­мет­тер­де тұтынушылардың үлесін көбейту, қыз­мет көрсету мерзімдерін бұзуға жол бермеу, көрсетілетін қызметтер санын арттыру бағыттарында жұмыстар жалғасын таппақ.

Мирас АСАН,
«Егемен Қазақстан»

Қарағанды облысы,
Жаңаарқа ауданы