Оның бірі тұрған күйінде бейнеленсе, екіншісі жатқан қалпында сомдалған. Қардан тұрғызылса да кәдімгі мүсін өнерімен туыстас, әрі еншілес туындылардың шынайылығы мен төбеттердің тірліктегі тұрқына біршама жақындығы оны көріп тамашалаған жандарды таң-тамаша қалдырып отыр. Иттердің мүсіндерін жасау кезінде оны қатыру үшін су және түстерін табиғи түрге келтіруге қажетті аэрозольді бояу қолданылған. Осы идеяның авторы Қ.Жұбанов атындағы Ақтөбе өңірлік мемлекеттік университетінің бейнелеу өнері және сызу факультетінің 4-курс студенті Абылайхан Аманжол мүсінді жасауға екі күн уақыт кеткенін айтып берді. Оның айтуынша шығармашылықпен үндес бұл ерекше іске қолының шеберлігі бар ауыл тұрғыны Аслан Төретаев пен мектептегі мүсін және бейнелеу өнеріне бейімі бар жоғары сынып оқушылары сүбелі үлес қосыпты.
Қардан жасалған мүсіндердегі тұрған күйінде кескінделген төбеттің биіктігі төрт метрді құрайды.
Темір ҚҰСАЙЫН,
«Егемен Қазақстан»
Ақтөбе облысы,
Шалқар ауданы
