Хатта «Еліміздің көмір өндірісіндегі көп жылғы еңбегіңіз үшін алғыс айтамын. Сіздің өмір жолыңыз – бұл адалдық, міндет пен кәсібиліктің нағыз үлгісі. Сіз саланың әлеуметтік-экономикалық дамуына үлкен үлес қостыңыз. Бүгінде біліміңіз, тәжірибеңіз бен даналығыңыз Қарағанды кеншілерінің дәстүрін жалғастырушы жас ұрпақты тәрбиелеуде пайдасын тигізуде», делінген.
Сонымен қатар облыс әкімі Мемлекет басшысының атынан мерейтой иесіне алтын белгіні табыстады. Алқалы жиында еліміздің дамуына зор үлесін қосқан ардагердің еселі еңбегі айтылды. Өз замандастары оны «кен өнерінің генералына» теңейтіндігін жеткізді. Олар Николай Дридждің өмірбаянындағы ең жарқын кезең Қазақстанның «қара інжуі» – Шұбаркөл көмір разрезі екенін де атап өтті.
Бүгінде университетте профессор Дрижд құрған «Кен металлургия кешенінің метан энергетикасы» зертханасы жұмыс істеп тұрғанын айта кетейік. Зертхана танымал әлемдік өндірушілердің жабдықтарымен жабдықталған.
Николай Дрижд салалық «Қарағанды көмір» бірлестігінде бөлімше басшысынан атқарушы директор қызметіне дейін жетті. Ол кеншілердің бірнеше буынын даярлады, олардың арасында бүгінгі шахта жетекшілері де бар. Жасына қарамастан, профессор оқытушылық қызметін жалғастыруда.
Николай Дрижд – Жаратылыстану ғылымының, Қазақстан ұлттық академиясының, Ресей тау-кен ғылымы академиясының академигі. КСРО Мемлекеттік сыйлығының екі мәрте лауреаты, Ленин орденінің екі мәрте, Еңбек Қызыл Ту орденінің иегері. «Достық», «Құрмет» және Ахмет Байтұрсынов атындағы ордендермен марапатталған. «Кенші даңқы» белгісінің толық иегері.
Мирас АСАН,
«Егемен Қазақстан»
Қарағанды облысы
