Қазақстан Президенті елшілерден сенім грамоталарын қабылдады

Рәсім барысында Мемлекет басшысы Нұрсұлтан Назарбаевқа Швеция Корольдігінің Төтенше және өкілетті елшісі Матс Фойер, Куба Республикасының Төтенше және өкілетті елшісі Эмилио Певида Пупо, Үндістан Республикасының Төтенше және өкілетті елшісі Прабхат Кумар, Ұлыбритания және Солтүстік Ирландия Құрама Корольдігінің Төтенше және өкілетті елшісі Майкл Джон Гиффорд сенім грамотасын тапсырды.

Егемен Қазақстан
10.01.2018 899
2

Мемлекет басшысы рәсімге қатысушыларды Қазақстандағы дипломатиялық миссияларының ресми түрде басталумен құттықтап, олардың жауапты әрі мәртебелі миссиялары елдеріміз арасындағы ынтымақтастықты жан-жақты дамытуға септігін тигізетініне сенім білдірді.

– Сіздердің жұмыстарыңыз қызықты және жауапты кезеңге тұспа-тұс келіп отыр. Технологиялық революция жаңа сын-қатер әкелумен қатар, кез-келген елдің дамуында серпіліс жасауға мүмкіндік береді. Сондықтан Қазақстан халқына «Төртінші өнеркәсіптік революция жағдайындағы дамудың жаңа мүмкіндіктері» атты Жолдауымды жарияладым, – деді Нұрсұлтан Назарбаев.

Қазақстан Президенті әлемнің озық дамыған 30 елінің қатарына қосылуды жеделдету үшін қажетті заманауи технологияларды пайдаланудың маңыздылығын атап өтті.

– Мен Жолдауда экономиканы, әлеуметтік саланы, сондай-ақ мемлекеттік басқару ісін дамытудың негізгі бағыттары бойынша нақты он міндет қойдым, – деді Мемлекет басшысы.

Нұрсұлтан Назарбаев Қазақстанның халықаралық аренада белсенді позиция ұстанып келе жатқанын айтып, 2017 жылы Астанада өткен бірқатар іс-шараның нәтижелеріне назар аударды. Олардың қатарында имидждік тұрғыдан ғана емес, сондай-ақ экономикалық тұрғыдан оң әсері болған халықаралық «ЭКСПО-2017» мамандандырылған көрмесін, Шанхай ынтымақтастық ұйымының саммиті мен Ислам ынтымақтастығы ұйымының Ғылым және технологиялар жөніндегі саммитін атаған жөн.

– Сирияаралық қақтығыстарды реттеудің жаңа тетігі ретіндегі Астана процесі аясындағы оң нәтижелер біздің елдің дербес және бейтарап алаң ретінде таңдалуының дұрыстығын көрсетті және оны әлемдік қоғамдастық мойындады, – деді Қазақстан Президенті.

Мемлекет басшысы Қазақстанның БҰҰ Қауіпсіздік Кеңесінің төрағасы ретінде қарастыратын мәселелеріне жан-жақты тоқталып, жаһандық органның барлық мүшелерінің өзара ымыра мен консенсуске келуі үшін белсенді түрде күш жұмылдырудың маңызды екенін айтты.

– Біз таратпау режімін дәйекті түрде нығайту мен кеңейту арқылы ғаламды ядролық қарудан азат ету, сондай-ақ жаһандық соғыс қаупінің алдын алып, оны толық жою үшін әлемдік қоғамдастықтың күш-жігерін жұмылдыра беруге ниеттіміз, – деді Нұрсұлтан Назарбаев.

Қазақстан Президенті Ұлыбритания және Солтүстік Ирландия Құрама Корольдігінің Төтенше және өкілетті елшісіне арнаған сөзінде экономикалық бағыт еліміздің шетелдік әріптестермен ынтымақтастығының басты өзегі болып саналатынын атап өтті.

– Елдеріміздің ынтымақтастығы өзара құрмет пен сенімге берік негізделген. Бүгінде Ұлыбритания Қазақстанның ірі инвесторларының және сауда әріптестерінің бірі болып саналады, – деді Мемлекет басшысы.

Нұрсұлтан Назарбаев Швециямен ынтымақтастықты дамытуға айрықша мән беретінін атап өтіп, Швеция Риксдагының спикері Урбан Алиннің елімізге сапары өткен жылдың басты оқиғасына айналғанын айтты.

Қазақстан Президенті Нұрсұлтан Назарбаев Прабхат Кумарды Үндістанның Шанхай ынтымақтастық ұйымының толық мүшесі болуымен құттықтап, Қазақстан Үндістан Республикасын маңызды сыртқы саяси және сауда серіктесі ретінде қарастыратынын атап өтті.

– Елдеріңіз Шанхай ынтымақтастық ұйымының жұмысына тың серпін беріп, мәртебесін арттырады деп сенемін, – деді Мемлекет басшысы.

Сонымен қатар, Нұрсұлтан Назарбаев соңғы жылдары Қазақстан-Куба қарым-қатынастары айтарлықтай жанданғанын атап өтіп, елдеріміздің сауда-экономикалық және саяси ынтымақтастығын нығайту үшін нақты жұмыстарды жалғастыру қажет екенін айтты.

Соңында Қазақстан Президенті дипломаттарды тағы да құттықтап, алдағы жұмыстарына табыс тіледі.

СОҢҒЫ ЖАҢАЛЫҚТАР

21.02.2019

Екатеринбургтағы жол апатында 5 қазақстандық зардап шекті

21.02.2019

Жамбылда аз қамтылған және көпбалалы отбасылар үшін 10 жатақхана салынады

21.02.2019

Үкіметті уақытша басқару Асқар Маминге жүктелді

21.02.2019

Мемлекет басшысының мәлімдемесі

21.02.2019

Елбасы Үкіметті таратты

21.02.2019

Н.Нығматулин Аустрия Парламенті Ұлттық Кеңесінің төрағасымен кездесті

21.02.2019

Сенаторлар халықаралық келісімдерді ратификациялады

21.02.2019

Индустрияландыру бағдарламасы аясында 20 мың тұрақты жұмыс орны ашылады

21.02.2019

Қызылордалық полицейлер заңсыз аң аулаушыларды ұстады

21.02.2019

Түркістан облысының өз футбол командасы құрылады

21.02.2019

Жайық өзені бойында ауқымды рейд өткізілді

21.02.2019

Биыл 65 мың ірі қара сатып алуға ақша бөлінеді

21.02.2019

Бас прокуратура өтемақы қорына өндіру тәртібін түсіндірді

21.02.2019

Қоғамға көмектесетін инклюзивті инновациялар

21.02.2019

Дариға Назарбаева Еуропалық Одақтың Орталық Азия жөніндегі арнайы өкілімен кездесті

21.02.2019

Airastana 1 сәуірден бастап Қазақстан арқылы Ташкентке рейстерді ұлғайтады

21.02.2019

Қазақстан Ұлттық Банкінің төрағасы неміс бизнес-қоғамдастығының өкілдерімен кездесті

21.02.2019

Қазақстан мен ЕҚДБ арасындағы ынтымақтастық мәселесі талқыланды

21.02.2019

Семейлік оқушы-кәсіпкер Нәдір Сәбитов жиһаз шығаратын цех ашты

21.02.2019

Алексей Луценко «Оман турының» жеңімпазы

ТАҒЫ ЖҮКТЕУ
КОЛУМНИСТЕР

Қарашаш ТОҚСАНБАЙ, «Егемен Қазақстан»

Tyıym men tıyn

Toı-toımalaqta tún jamylyp óner kórsetetin kámelettik jasqa tolmaǵan, ómirleri aq paraqtaı taza, kóńilderi aq bulaqtaı móldir kishkentaılarymyzdy jasyna laıyqsyz kıindirip, boıandyryp kópshiliktiń aldynda shyǵarý, án saldyrý – qý aqshaǵa qunyqtyryp qoıǵan ata-analarynyń kinásinen. 

Бақытгүл САЛЫХОВА, педагогика ғылымдарының кандидаты

Qorqynyshty mıkroplastık

О́tken aptada Eýropalyq odaq úkimeti óndirýshilerge mıkroplastıktiń barlyq túrin óz ónimderinde qoldanýǵa tyıym salǵanyn estigen bolarsyzdar. Mıkroplastıktiń ne ekenin bilesiz be? Osyǵan deıin kóp mán bermeppiz. Sóıtse mıkroplastık − sıntetıkalyq polımerlerdiń kishkentaı bólikteri, bul kóptegen zattyń quramyna kiredi: kúndelikti kıetin kıimimizde de, kir jýatyn untaqta da, saǵyzda da bar eken.

Анар ТӨЛЕУХАНҚЫЗЫ, «Егемен Қазақстан»

«Jeti jarǵy» jıen jaıly ne deıdi?

Qarǵa tamyrly qazaqta jıenmin dese qolq etpes jan joq shyǵar, sirá. Tipti, naǵashyǵa aıtar oıyn «tuzdyqtap» jiberse de, basynan sóz asyrmas nebir adýyn minezdiniń ózi jıen ǵoı, aıta beredi» dep kúlip, bas shaıqaǵannan artyqqa barmaıdy.

Бекен ҚАЙРАТҰЛЫ, «Егемен Қазақстан»

Rýh jaıly áńgime

Marqum alashshyl tulǵa Aqseleý Seıdimbektiń «Rýhy azat halyq qana uly ister atqara alady» deıtin myzǵymas ustanymy boldy. Osy uǵymdy Ahań ári qaraı tápsirlep: «Rýhsyz halyqty altynǵa bólep qoısań da báribir, rýhy myqty qaýymnyń aldynda eńkish tartyp turady. Rýh degenimiz ol kózge kórinbeıdi, halyqtyń gendik bıosferasynda bolatyn úreıdi jeńý qýaty. Úreı qan arqyly urpaqtan urpaq jalǵasyp kete beretin asa qaterli qubylys. Qandaı bir qaýymnyń rýhanı erkindigi (táýelsizdigi) halyqtyń boıyndaǵy úreıdiń az-kóptigimen ólshendi» deıtin edi jaryqtyq.

Сейфолла ШАЙЫНҒАЗЫ, «Егемен Қазақстан»

Elorda: kósheler, avtobýstar, aıaldamalar

Astana jyl sanap ósip keledi. Bir kezderi oblys ortalyǵy bolǵan shaǵyn ǵana qala az ýaqyttyń ishinde elimizdegi iri shaharlardyń qataryna qosyldy. Munyń bári qarqyndy júrgizilgen qurylys jumystarynyń nátıjesinde júzege asyp otyr. Ras, qazir 2000 jyldardyń basyndaǵydaı ekpin joq. Degenmen áli de bolsa jańa ǵımarattar men turǵyn úıler turǵyzý isinde alǵa basý bar. Bas qala, jańadan turǵyzylyp jatqan elorda bolǵandyqtan, qurylys jumystarynyń jalǵasa beretinine kúmán joq.

ҰҚСАС ЖАҢАЛЫҚТАР

Тағы да оқу

Пікір қосу