Аймақтар • 11 Қаңтар, 2018

Құсбегінің құнды жәдігерлері музей қорына тапсырылды

456 рет
көрсетілді
1 мин
оқу үшін
Құсбегінің құнды жәдігерлері музей қорына тапсырылды

Елбасының «Болашаққа бағ­дар: рухани жаңғыру» бағдар­ламалық мақаласын жүзеге асыру мақсатында Жамбыл облыстық тарихи-өлкетану музейінде Мойын­құм ауданының құрметті азаматы, белгілі құсбегі Жапар Сатылғановтың «Қазақтың құс­бегілік дәстүрінің рухани жал­ғастығы» атты көрмесі өтті. Көр­­ме барысында құсбегі ға­сыр­лар бойы қазақтың қанында қа­лып­тасқан, болмысымен біте қайнасқан саятшылық жөнінде әң­гімеледі. Сондай-ақ ол бабалардан мирас болып қалған құсбегілік дәстүрді қазақы салтпен астастыра отырып дамыту қа­жеттігін де сөз етті.

Осы орайда бабадан қалған құсбегілік дәстүрді жалғастырып келе жатқан Жапар Сатылғанов әкесі Тілеужаннан қалған 28 этнографиялық бұйымды музей қорына тапсырды. Аталған бұйымдардың ішінде қолға құс қондырғанда киетін биялай, көне шапан, түлкі тымақ, құсқа жем беретін саптаяқ және аңшылыққа шыққанда белге тағатын белбеу сияқты жәдігерлер бар. 

Хамит Есаман,
«Егемен Қазақстан»

Жамбыл облысы