Қазақстан тарихшыларының V ұлттық конгресі өтті

Л.Н.Гумилев атындағы Еуразия ұлттық уни­вер­ситетінде Қазақстан тарихшыларының V ұлттық конгресі «Н.Ә.Назарбаевтың «Тәуелсіздік дәуірі» еңбегі және отандық тарих ғылымының міндеттері» деген тақырып аясында өтті. 

Егемен Қазақстан
22.01.2018 887
2

Қазақстан тарихшылары ұлттық кон­гресінің төрағасы, Ұлттық ғылым ака­де­миясының академигі Ерлан Сыдықов: «Мем­лекет басшысының халыққа Жолдауы бізді Қазақстан жолы аясында одан сайын топтас­тыра түскендей. Бағыт – айқын, іс-шаралар бағдары да белгіленді. Соның ішінде адами капиталға жауапты білім-ғылым саласының мойнындағы жауапкершілік нақтыланды. Жолдауда Елбасы рухани жаңғыруды да, Тәуелсіздік дәуірі құндылықтары мен қа­ғи­даттарын да жеке-жеке жүйелеп айтты. Бәрі­мізге міндеттер жүктеді. Мем­лекет басшысының жаңа кітабы – қоғам, әсіресе, тарих­шылар қауымы жылы қабылдаған іргелі еңбек. Тарихшылардың ұлт­тық конгресінің бүгінгі мақ­саты – аталған еңбектің білім жүйесіне қажетті әдіс­на­малық, әдістемелік негіз­дерін қарастыру», деп тарихшылар конгресі алдына бірқатар міндеттер қойды.

– Тәуелсіздік жеңісі мен жемісі Елбасы есімімен тығыз байланысты. Ендеше, Нұрсұлтан Назарбаевтың – жаңа мемлекет негізін қалаушы және Елбасы ретіндегі ерен қыз­метін әлемдік саяси лидерлер қатарында зерттеуді жаңа сатыға көтеру қажет. – Президенттің жаңа кітабында Тәуелсіз Қазақ­стан жолын әлемдік өрке­ниет үдерісі арнасында зерделеудің жаңа әдісна­ма­лық түбірі түзілген. Мамандар осыны жаңа зерттеулердің тұғыры етіп алуы тиіс. – Мемлекет бас­шы­­сы­ның аса маңызды бас­та­­ма­лары мен идеялары бар­лық деңгейдегі білім меке­мелерінің оқу үдері­сіне енгізілгені жөн. – Рухани өрлеу мен жаңғы­руға тікелей ықпал ететін білім және мәдениет жүйесі «Тәуел­сіздік дәуірін» темірқа­зық етіп алуы қажет. – Елба­сы еңбегінің не­гі­зінде жоғары, арнаулы, ор­та мек­теп оқулықтарының мазмұ­нын сапаландыру керек.

Жиында сөз алған баяндамашылар Елбасы ең­бе­гінің құндылығына баса назар аударып, еліміз­дің тарихына қосар үлесін тарқатып айтты. Соны­мен қатар іргелі еңбектегі деректер мен дәйектер­ге де тоқталған Прези­дент архивінің директоры Борис Жапаров «Тәуел­сіздік дәуірі» кітабы – Елбасының Қазақстанның жүріп өткен жолын саралауы, ұлттың болашағы, мемле­кет дамуының келешегі, тұрақты дамуға бағытта­л­ған «қазақстандық үлгінің» жаңа толысулары тура­лы ой-толғаулары. Қазақ­стан аз ғана уақытта постке­ңестік аласапыраннан өзінің экономикалық және әлеуметтік құндылықтары бар қоғамға айналуға серпіліс жасап, халықаралық аренада мемлекеттің жағымды беделін қалыптастырды, ғаламдық геосаясаттың толық құқылы және белсенді мүшесіне айналды. Бұл тарихи тағдыршешті оқиғалар келешек ұрпаққа тарихи құндылығымен баға жетпес архив құжаттарында сақ­талған», деді. 

Ал Ш.Уәлиханов атын­дағы Тарих және этнология институтының директоры Зиябек Қабылдинов елор­дамыз – Астананың жасам­паздығы мен негізгі миссия­сына тоқталып, «Соңғы екі ғасыр мен екі мың­жыл­дықтың тоғысында Қа­зақстан әлемде алғаш­қы­лардың бірі болып жаңа астанасын салды. Кітапта Елбасы Астана қаласына да ерекше тоқталып, қала­ның қалай салынғанын, гүлденгенін, әлемнің ең әдемі шаһарына айналғанын, бас қаламыздың басты миссияларын анықтап, оқырманға байыпты түрде жеткізеді. 1997 жылы ұлы қоныс аудару басталды, ал бір жылдан соң Астананың ресми таныстырылымы болды. Елбасы жаңа елорданың дамуы мен өркендеуіне ерекше назар ауда­рып, үлкен қамқорлық көрсетіп отырды. Президенттің елорда туралы «Жаңа Астана өзіне өткеннің бай мұрасы мен осы заманғы ең үздік жетістіктерді үйлестіре білді. Оның көптеген нысандары қазірдің өзінде бүкіл елімізге және одан тыс жерлерге мәлім болып отыр», деп баға беруін қамқор, жанашыр тұлғаның ақжарма толғасыны деп тануға әбден болады», деді. 

«Елбасы Отанымыздың қазіргі замандағы аса күр­делі, сонымен бірге нәти­желі дамуына қатысты тарихты кезінде отандастарымыздан үлкен бағасын алған «Қазақстан жолы» еңбегінде тұжырымдады. Ал бүгінгі қалың оқырманға, оның ішінде ел болашағы жастарға жол тартқан Ел­ба­сының «Тәуелсіздік дәуірі» туындысы – еліміз­дің бүгінгі дамуын жан-жақ­ты қамтыған, өзекті тұжы­рымдар жасалған Қазақ­стан­ның қазіргі заман тари­хы. Тәуелсіз Қазақ­стан жағдайында Елбасы Н.Ә.Назарбаев азат елдің азат тарихын жасаушы һәм жазушы тұлға», деді Шә­кәрім атындағы Семей мемлекеттік университетінің ректоры Мейір Ескендіров.

Конгреске қатысушылар Президенттің «Тәуелсіздік дәуірі» кітабындағы негізгі қағидаттарын басшылыққа ала отырып қоғамдық сананы жаңғыртуды және ұлттық рухани өрлеуді нақты жүзеге асыру, ұлттық кодты қайта өрістету, қасиетті орындар бағытындағы зерттеулерді, өлкетану мен архив жұмыс­тарын күшейту және отан­дық тарих ғылымы мен білімін дамыта жетілдіру мақсатында жалпы ғылыми және қолданбалық-бағыт­тама ұстанымдарын келіс­тіре қарар қабылдады. Онда «Елбасы Нұрсұлтан Әбіш­ұлы Назарбаевтың «Тәуел­сіздік дәуірі» кітабын мек­тептерде, колледждерде және жоғары оқу орын­дарында міндетті оқыту жүйесіне енгізу; «Қазақстан­ның қазіргі заман тарихы» оқулықтарының авторларына аталған кітап бо­йынша дербес параграфтар қосуға ұсыныс жасау; Президенттің жаңа кітабын БҰҰ тілдеріне аударуға ұсыну; Ел тұрғындарының барлық әлеуметтік топтарына аталған кітапты оқытып-игерту, насихаттау және оның теориялық мағынасын түсіндіру мақсатында үкіметтік емес ұйымдарға әлеуметтік жобалар беруге ұсыну; шетелдерде бұл кітаптың тұсаукесер рәсім­дерін өткізу» сияқты бірне­ше ұсыныстар мен жобалар қарастырылды. 

Бағашар ТҰРСЫНБАЙҰЛЫ,
«Егемен Қазақстан»

Суретті түсірген
Ербол ТОҚТАҒАЗЫ

СОҢҒЫ ЖАҢАЛЫҚТАР

23.01.2019

Иван Дычко 1 наурызда рингке шығады

23.01.2019

«Барыс» қонақта «Металлургті» ұтты

23.01.2019

Нұрсұлтан Назарбаев Жастар жылының салтанатты ашылу рәсіміне қатысты

23.01.2019

Қызылорда қаласында 53 мыңға жуық отбасы жер кезегінде тұр.

23.01.2019

Дэвис кубогында Португалияға қарсы ойнаймыз

23.01.2019

Иван Дычко 1 наурызда рингке шығады

23.01.2019

«Батыс» өңірлік қолбасшылығында роталық-тактикалық топтардың тактикалық оқу-жаттығулары өтуде

23.01.2019

«Астана» футбол клубы 67-орында

23.01.2019

Елбасы тапсырма бермесе, тариф төмендемейтін түрі жоқ

23.01.2019

«Оскар» номинанттары белгілі болды

23.01.2019

Көтеріліп жатқан мәселелер мен олардың шешімі адам капиталын арттыруға жол ашады — сарапшы

23.01.2019

2018 жылы қазақстандықтарды елде болған қандай оқиғалар қызықтырды

23.01.2019

Мамлют ауданына жаңа әкім тағайындалды

23.01.2019

Жетісулық студенттер волонтер болуға бейілді

23.01.2019

Аралас жекпе-жектен ел чемпионаты алғаш рет Алматыда өтеді

23.01.2019

Н.Назарбаев: Жусан операциясы жалғаса береді

23.01.2019

Спорттық гимнастика: Токио олимпиадасына іріктеу турнирі қалай өтеді?

23.01.2019

Дзюдодан Қазақстан құрамасы аралас командалық турнирден іріктеу сынына қатысады

23.01.2019

Шорт-трекші Абзал Әжіғалиев жаттығу кезінде тобығын шығарып алды

23.01.2019

Седнева мен Еркебаева Ресейдегі халықаралық турнирде топ жарды

ТАҒЫ ЖҮКТЕУ
КОЛУМНИСТЕР

Жақсыбай САМРАТ, «Егемен Қазақстан»

Adasqandardyń aldy jón, arty soqpaq...

  Bıylǵy qańtarda Qazaqstan óziniń azamattaryn dúnıeniń qaı shetinde bolsa da qorǵaı alatyn irgeli el ekendigin kezekti ret kórsetti. Sırıadaǵy qandy qasapqa soqyr senimniń shyrmaýyndaǵy kúıeýimen birge baryp qalǵan áıelder men jas balalarǵa arnaıy ushaq bólip, alyp keldi. Elbasy N.Nazarbaev óziniń tapsyrmasymen 47 adamnyń, sonyń ishinde 30 balanyń qutqarylǵanyn málimdedi. Qutqarý sharalary «Jýsan» operasıasy» dep atalǵany da jarıa boldy.

Сейфолла ШАЙЫНҒАЗЫ, «Егемен Қазақстан»

Jaýapkershilik joq jerde...

Sońǵy jyldary elimizde bosaný úshin aýrýhanaǵa kelgen analardyń qaitys bolý jaǵdaıy jıilep barady. О́tken jazda medısınasy jetilgen qalalar sanatyndaǵy Astananyń ózinde tórt birdeı qaıǵyly oqıǵanyń oryn alýy osy sózimizge dálel. Al Qazaqstan boıynsha 2018 jyldyń segiz aıynda ǵana ana óliminiń 40 faktisi tirkelgen eken. Onyń sebebi nede? Bul jóninde oılanyp, belgili bir sharalar qabyldap jatqan adam bar ma? Shynyn aıtsaq, bul jaǵy óte kúmándi. Eger adamdar jumysta jibergen kemshiligi úshin jazalanbaıtyn bolsa, ondaı jaǵdaıdyń qaıtalana bermesine kim kepil?

Сүлеймен МӘМЕТ, «Егемен Қазақстан»

Sóz salmaǵy

Baıaǵynyń bıleri taý qulatyp, jer terbetpese de, eldi ıitip, teli-tentekti tıyp, kem basqandy ilgeri ozdyryp, asqynǵandy tejep, órshigendi órelep, ata ǵuryppen, ana úlgisimen bárin jónge saldy. Ul men qyzdyń eteginen tartpaı, aýzynan qaqpaı, qyrandaı túletip otyrǵan. Sodan da shyǵar, «Aýzym jetkenshe sóıleımin, qolym jetkenshe sermeımin, aıaǵym jetkenshe júremin» dep 14 jasynda aýzynan ot shashyp: «El ebelek emes, er kebenek emes, dat!» dep dara tanylǵan Qazybek bıdiń Qońtajynyń tilin baılap, qatty sastyrǵany. Jeteli sózge jetesiz ǵana des bermeıdi.

Серік НЕГИМОВ, Қазақстанның еңбек сіңірген қайраткері

Durystyq joly

Jaqsy kisi ataný, tirshilik-turmys, ómir qubylystaryna oı júgirtý, saralap zerdeleý, fılosofıalyq mádenıet qalyptastyrý, tájirıbe jınaqtaý, durystyq, adamshylyq, izgilik, ádildik, degdarlyq jolynda meıirlenip, berekeli qyzmet jasaý, ulttyń ádebi men qaǵıdattaryn jan-tánińmen qabyldaý – naǵyz tabıǵı abzal qasıet.

Жақсыбай САМРАТ, «Егемен Қазақстан»

Bızneske ıkemdilik qaıdan shyǵady?

Adamnyń bızneske ıkemdiligi qaıdan týady degen suraq kóp adamdy oılandyrady. Árıne, motıvasıa kúshti, ol − aqshany kóp tabý. Isker adamdar eshkimniń aldynda ıilmeıdi, «malyń bolsa syılamaı tura almas el» dep Abaı aıtpaqshy, jurtqa da syıly bolady.

ҰҚСАС ЖАҢАЛЫҚТАР

Тағы да оқу

Пікір қосу