«ТрансОйл» сақтандыру компаниясы 20 жылдан бері клиенттің мүддесін қорғау жолында биік белеске шығып отыр
Республикадағы ең байырғы сақтандыру компанияларының біріне тұп-тура 20 жыл толып отыр. Тәуелсіздіктің құрдасы – «ТрансОйл» сақтандыру компаниясы осы уақыт ішінде ұзақ жолдан өтіп, бұрынғыдай клиенттің мүддесін қорғау қағидаттарына сенімді екендігін нақты істерімен дәлелдеу үстінде.
![181111-7](http://old.egemen.kz/2011img/181111-71.jpg)
19 қарашада еліміздің сақтандыру нарығына алғашқы тәуелсіз қатысушы – «ТрансОйл» сақтандыру компаниясы өзінің туған күнін тойлайды. Ол 1998 жылға дейін «Авиаполис» деген атауды алып жүрген болатын. 1991 жылғы дәл осы күні компания Қазақстанда алғаш рет сақтандырушы ретінде мемлекеттік тіркеуден өткендігі туралы куәлік алып, жұмысын бастады. Клиенттердің мүліктік мүдделерін қорғауды өзіне міндет етіп қойған «ТрансОйл» міне 20 жылдан бері сақтандырудың саналуан мәселелерін жедел және заңдық тұрғыдан шеше отырып, бұл қағида бойынша бұлжымайтын жолмен келеді.
Компанияның басшылығы мен қызметкерлері өткен екі онжылдықтағы өз қызметіне көз жүгіртіп, жұмыс қорытындыларын шығара келіп, айтулы жетістіктерге жеткенін көріп отыр. Қызметкерлердің көпшілігі «ТрансОйл» сақтандыру компаниясы құрылған күннен бастап жүктелген міндеттерін абыроймен орындауда. Осы кезең ішінде жеткен жетістіктеріне өздері де риза. Қазіргі таңда компанияның аяқ алысы мығым, қазақстандықтар мен өз саласындағы әріптестері арасында лайықты беделге ие. Мұның бәрі айтуға жеңіл болғанымен, жиырма жылда жүріп өткен жол әрине жеңіл болған жоқ.
Алайда оның бастауында тұрып, қиын-қыстау өтпелі кезеңде қиындықтан өткен компанияның ардагерлері оны сірә ұмыта қоймас. Дегенмен, әр кезеңнің қиындығымен қатар қызығы да болатыны анық. Бәрі де «таза» парақтан басталған еді. Ол кезде сақтандыру қызметтерінің нарығы жоқтың қасы болатын. Оны ұғынуда сақтандыру мәдениеті де қалыптаспағаны өз алдына бір мәселе екендігі қазір жасырын емес.
Еркін нарықтың көкжиегінде көлбеңдеп көрінген перспективалар, бір жағынан Кеңес Одағының ыдырауы салдарынан болған былықтар, ал екінші жағынан сақтандыру нарығында нағыз дүрбелеңді туғызды. Етектен кесіп алуға дайын ептілер тез арада дивидендтер алып, мол пайданы иеленуді есептеген пысақайлар сақтандыру компанияларын құруға құлшына кірісіп кетті.
1993 жылдың өзінде ғана Қазақстанда бірнеше жүздеген сақтандыру компаниялары әрекет етті. Олардың көпшілік бөлігі сақтандыру қызметімен өздерінің атауларын ғана байланыстырып отырды. Дегенмен, заң шығарушы сыртта қалып қойған жоқ және де сақтандыру нормаларын реттейтін заңнаманы жетілдіру шарасы бойынша шешімдер қабылдады. Соның арқасында нарықта өз клиенттерін қорғауға шын мәнінде кіріскен компаниялар ғана қалды. Қазіргі таңда «аласапыранға толы тоқсаныншы жылдар» дәл атауын алған сол күрделі кезеңде жұмыстарын бастағандардың ішінен бар-жоғы үш компания қалды.
«ТрансОйл» Қазақстанда сақтандыру нарығы қалыптасуының барлық қиындықтарын өткеріп, болашаққа сеніммен қарайтындығы әмбе жұртқа аян болды. Әрине бизнес те теңіз тәрізді, көк айдында жүзген кеме желсіз күнгі тымықты да, дүлей дауылды да еңсеріп айлаққа аман-есен жетері сөзсіз. Бұндай сынақтан өту капитанға да, оның командасына да әбден байланысты, өйткені ұйысқан ұжым болса алысқа да ұзақ сапар шеге алады.
Бұл арада, мынаны атап айтқан жөн, «бәрін кадрлар шешеді» деген көпшілікке белгілі сөз орамы шындыққа толық сәйкес келеді. «ТрансОйл» басшылығы атап көрсеткеніндей, компания қызметкерлерінің жоғары кәсібилігі оның басты зияткерлік әлеуетін құрайды. Соның нәтижесінде компанияның жұмысы орнықты және қаржылық жағдайы тұрақты.
Команданың іске шын берілгендігінің нәтижесінде, компанияның тәжірибелі басшылығы мен акционерлерінің тарапынан таңдап алған бағыты бойынша, «ТрансОйл» нағыз бренд болды. Оған мыңдаған қазақстандықтар мен кәсіпкерлер сенім білдіріп отыр. Осы арада қазақстандық сақтандыру нарығының ізашар-түрен салушыларының еңбектерін ерекше атап айтқан жөн сияқты. Олар өздерінің ерен еңбектерімен еліміздің осы бағыттағы негізін қалады.
Әлбетте, бұл оңай болған жоқ, қателіктер мен қиын кезеңдер де болды, іс барысында қызметкерлер де шалт кетіп сүрінді. Алайда соған қарамастан жылдан жылға алға қарай нық қадаммен басып жетістіктерге жетті. Жетістікке жетудің сыры мынада – сақтандыру нарығындағы ең тәжірибелі ойыншылар арасындағы өзара көмек қолын созу көп жәрдемдесті. Атап айтарлығы, олар бір-бірін бәсекелес деп санаған жоқ, қапелімде кейбірінің аузынан мұндай сөз шығып жатса да реніш танытқан емес. Жоқ, олар жай ғана әріптестер, достар, көптен бері нарықта жұмыс істейді және бір-біріне кезі келіп жатса көмек қолын созады.
«ТрансОйлдың» ортақ істегі әріптестері әрдайым мүдделі серіктестері әрі одақтастары ретінде нарықтағы жалпы міндеттерін шешу кезінде жоғары жетістіктерге жетуге бек сенімді. Қызметкерлердің тәртіптілігі, жоғары кәсібилігі, өзіндік ойлау пайымы, сондай-ақ сала ардагерлерінің жол сілтеуімен білікті басшылық жүргізіп отырған іс компанияны қалыптасудың барлық қиындықтарын еңсеруге мүмкіндік берді. Бүгінгі күні «ТрансОйл» өзінің жиырма жылдығын мығым командамен қарсы алып, болашаққа сеніммен қарайды. Өйткені, олардың алдарына қойған мақсаттары – сақтандыру нарығындағы жетекші компаниялардың бірі болу. Бұған ұжымның басқа да серіктестері сенімді.
Мұндай құрметке ие болудың сыры мынада – ол «ТрансОйлдың» ішкі корпоративтік құндылықтары. Ол бұдан 20 жыл бұрын пайда болып, содан бері компанияның барлық өңірлік бөлімшелерінде дәйекті түрде қолдау тауып отыр. Компанияның негіз құрушы қағидаттарының арасында бизнестің мөлдірлігі мен ашықтығы, тек ең жоғары деңгейде қызметтер ұсынуға ұмтылу, алған міндеттемелерді мүлтіксіз атқару, сондай-ақ заңдылықты қатаң сақтау. Өзгеше сөзбен айтқанда, «ТрансОйлдың» клиенттері де, сондай-ақ серіктестері де орасан тәжірибеге және қызметтің жоғары сапасына шәк келтірмейді. Мұның бәрі олардың мүдделері мен мүліктеріне сенімді қауіпсіздікті қамтамасыз етеді.
Компания басшылығы өз сақтандырушыларының мүдделерін қорғауға жіті қарауды назарға алған. Бұл өз кезегінде сақтандыру төлемдері саясатын жедел жүзеге асыруды бейнелейді және тәуекелдерді қайта сақтандыруды қорғаудың бабына келтірілген тетігі арқасында көрініс тауып отыр. Ірі тәуекелдерді орналастыру отандық сақтандыру нарығында жүзеге асырылуда, бұл жағдайда қайта сақтандыру бойынша серіктестермен қатынас сенімді әрі орнықты ынтымақтастық негізінде тұрғызылады.
«ТрансОйлда» өздеріне көрсетілген зор құрметті өте-мөте қадір тұтады. Ал құрмет көрсетушілер қатарында компанияның тұрақты клиенттері мен серіктестері бар екендігін ерекше атап айтқан дұрыс сияқты. Серіктестермен мұндай ұзақ мерзімді және сенімгерлік қатынастардың пайда болуы бір жағынан, орнықты қаржы жағдайын, төлем қабілеттігін және компания сенімділігінің уақыт тезінен өтуіне, ал екінші жағынан – жекелей алғандағы клиенттің сақтандыру қорғанышы түйткілін шешу жағдайында дербес келуі ықпал етті.
Компанияның екі он жылдық ішіндегі жұмысын ірі бизнестің, орта бизнестің ондаған мың өкілдері, сондай-ақ қатардағы жүздеген мың қарапайым қазақстандықтар лайықты бағалады. Өйткені компания атқарып отырған істерінің көзін шеберлікпен тапты. Өз кезегінде «ТрансОйл» мұндай сенімді бағалайды. Қазіргі кезде клиенттің қажеттілігіне барынша жақындау үшін сақтандыру компаниясының мамандары ең жаңа қолайлы өнімдерді тынымсыз құру үстінде, сондай-ақ нарықта сұраныс тапқан сақтандыру бағдарламаларын өздеріне өзгермелі жағдайларға байланыстырып бейімдейді.
Жаңа батыл бизнес-жобаларды іске қосу үшін сақтандыру қандай мәнге ие болатынын ескере отырып, бүкіл елде жаңа жұмыс орындарын құру және экономиканы дамыту жолында тынымсыз тіршілік жасап жатқан «ТрансОйл» СК басшылығына, компанияның барлық ұжымына осы айтулы күнде мықты денсаулық, алдағы онжылдықтар белесінде тұрған оңай емес міндеттерді шешуде табыстар тілей отырып, сақтандырушылардың мүдделерін қорғап, сақтандыру нарығында жаңа жетістіктерге шығатындығына сенім мол. Бұл мереке біздің еліміздің Тәуелсіздік күні қарсаңымен келіп отырғаны тегін емес. Еліміздің экономикасы қарыштап дамып, басқа мемлекеттермен байланыс өрісі кеңейді. Көкжиегіміз ашық болып, талай асуларға шығатынымыз әбден анық. Тәуелсіз Қазақстанның экономикалық қуаттылығының тірегі – тәуелсіз компаниялардың іргетасы мызғымай, жаңа жетістіктерге жетелей береді. Иә, осы компаниялардың арасында «ТрансОйлда» бар екендігін бүгін мақтанышпен айтуға болады.
Танат ҚОЖМАНОВ.
Суретте: «ТрансОйл» сақтандыру компаниясы» АҚ басқармасының төрағасы Мырзағали Ысмағұлов.