Ақылы паркомат: кімге пайда, кімге зиян?

Алматы қаласында екі жылдан бері AParking белгісі бар паркоматтар жұмыс істейді. Әрине қомақты инвестиция салынған бұл жобаның артықшылықтары да бар. Жүргізушілерден жол жағалағандар бұрынғыдай 100 теңгеден жабайы түрде жинап жүрмейді. 

Егемен Қазақстан
06.02.2018 1089

Қала әкімдігінің өз көздегені бар болса да Алматы кәсіпкерлері тоқтауға, көлік қоюға тыйым салынатын жаңа жол белгілері мен велосипедке арналған жо­лақ­тар кәдімгідей шығынға ұшыратып отырғанын алға тартуда. Мемлекетіміздің басты до­но­ры болып саналатын мегапо­лис іскерлерін де түсінуге болады. Орта және шағын бизнесті дөң­гелетіп отырған алматылық кәс­іп­керлер бюджетке аз салық төлемейді.

Жалпы, қаланы абаттан­ды­руға және көлік көп жинала­тын көшелерді босатуға қа­тыс­ты Алматы қалалық әкім­ді­гі орталықтағы бірқатар көше­лер­дің жиегін ақылы тұрақ орны­на айналдырған болатын. Көлік жүр­гізушілері тұрақ ақы­сын саға­тына 100 теңгеден жол жи­егін­дегі паркоматтарға төлеуі ти­іс. Алайда қазір парко­мат­тар­ға қатысты дау-дамай аз емес. Ақылы көшелерге жұ­мыс орындары орналасқан немесе сол көшелерде тұратын жүр­гі­зу­шілер көліктерін қайда қаң­та­ра­рын білмей, квартал жағалап жүргендері. Бол­маса мардымсыз жалақының бір бөлі­гін күн­делікті паркоматтарға құйып оты­руға тура келеді. Айына не­месе жарты жылға төлеп, тұ­рақ абонементтерін сатып алуға болады. Көлік иелері жаңа тәртіпке көн­дікк­енше мұны жүр­г­ізушілерге түсін­діретін адамд­ар жоқтың қасы. Сондықтан ақылы пар­коматтар мен жол белгілерін аңғармай, машиналарын қал­дыр­ғандар 3 АЕК көлемінде айып­пұл төлейді. Басқа да ма­шақ­аттары баршылық.

Қала бюджеті үшін тиімді жағы бар екенін де жоққа шығар­май­мыз. Қазір бұл жүйе қаланың әр аумағында 11 мыңнан астам тұ­рақ орнын қамтиды. 120 пар­ко­матқа ие «Алматы спецтехпаркинг сервис» ЖШС 230 миллион теңге көлемінде 2016 жылдың салығын төлегені туралы есеп берген.

Десек те, Алматы қаласы кә­сіп­керлер палатасына іскер ор­та, яғни бизнес өкілдері қа­ла­­ның құрылымдық көркін жаң­ғыртудан зардап шегіп отырмыз деп шағымдануда. Қала тұр­ғы­да­рына 1969 жылдан бері та­ныс «Восход» сауда үйінің директоры Юрий Ковтун бүгінде дүкен бірте-бірте шығынға бата бастағанына шағымданды. Сауда жағы өте төмен. Соңғы 3 айда жалға алушылардың 17 пайызы бас тартқан.

«Мәселенің барлығы біздің ғи­мараттың жанына велосипед жолағы жасал­ғаннан бас­тал­ды. Көлік қоя­тын орын жоқ. Клиенттердің келуі күрт тө­мен­де­ді. Біз әкімдіктен жол­­дың ар­ғы бетінен ең бол­мағ­а­н­да ақылы авто­тұрақ жасауға өті­ніш біл­дірдік. Бірақ келіспеді. Біз қала­ның абаттандырылуына қар­сы емес­піз. Бірақ бізде қанша адам велоси­пед тебеді?!» деп шағымданады Ю.Ковтун.

«Корея» кафесінің иесі Нелли Нигай «тоқтауға болмайды» белгісінің кесірінен дәм­ха­наға келушілер саны азай­ға­нын, тіпті ғимаратты сата да ал­май отырғанын жасырмады. Табыс 30 пайызға төмендеген. Қызметкерлердің жартысы жұмыстан шығарылған.

«Мақпал» республикалық сән орта­лығының жетекшісі Базиля Әбіл­мановадан бірінші топтағы мүгедек қызметкер жұ­мыс­тан шыққан, себебі оның жұ­мысқа қатынауы қиындаған.

Бүгінге дейін кәсіпкерлер палатасына осындай мәселемен биз­нестің 95 субъектісі шағым­дан­ды. Ендігі жерде бұл мәселе Кәсіпкерлердің құқығын қорғау кеңесінің күн тәртібіне шы­ға­рылып, журналистер қа­тыс­­тырылған жиынға зардап шек­кендер де шақыртылды. Сон­дай-ақ жергілікті атқарушы орг­анның өкілдері де келді. Шағымданған кәсіпкерлерге Алматы қаласы ішкі істер департаменті әкімшілік полиция басқармасының басшысы Жандолла Шайхиев жауап берді.

«Алматыда 530 мың көлік құралы бар. Сонымен қатар сырттан келушілер, әсіресе облыстан қатынайтындар бар. Автокөліктер – ең бірінші ауа лас­таушы. Кәсіпкерлерді де түсі­неміз. Авто­тұрақ жобасымен біз айналыс-
паймыз. Бізге тек келісуге алып келеді. Егер сәй­кес келмесе, көлік құрал­да­ры­ның тұрағына рұқсат бере алмаймыз. Егер қандай да бір ұйым автотұраққа қатысты нақ­ты ұсыныс алып келсе, біз барып кө­реміз. Бастысы, ұсынылған нұс­қа жол қозғалысының басқа да қатысушыларына кедергі келтірмеуі тиіс», деп ой бөлісті Жандолла Шайхиев.

Кәсіпкерлердің құқығын қор­ғау кеңесінің мүшелері қала тұр­ғын­д­арының абаттандыруды қолдай­тындығын атап өтті. Алайда Алматы – шағын және орта бизнестің қаласы. Мұнда ірі кәсіпорындар жоқ. Кәсіп­керлер төлейтін салық қала бюджетінің негізгі бөлі­гін құрайды. Сондықтан абат­тан­дыруға қатысты шараларды қабылдауда бизнеспен мәмілеге келмесе, мәселе шиеленісе беретін түрі бар.

Айнаш ЕСАЛИ,
«Егемен Қазақстан»

АЛМАТЫ

СОҢҒЫ ЖАҢАЛЫҚТАР

19.08.2018

Жакартада жанған жұлдыз

19.08.2018

Ауа райы болжамы: Ақмола облысы мен Астана аумағында дауыл тұрады

18.08.2018

Джакартада Жазғы Азия ойындарының ашылу салтанаты өтті

18.08.2018

БҰҰ-ның бұрынғы Бас хатшысы Кофи Аннан қайтыс болды

18.08.2018

Мемлекеттік хатшының қатысуымен Бұқар жыраудың 350 жылдық мерейтойы өтті

18.08.2018

Пара алған әкімдердің қылмысы әшкере болды

18.08.2018

Елордада «Ұлы дала рухы» республикалық фестивалінің солтүстік аймақтық іріктеу жарыстары өтіп жатыр

18.08.2018

Астанада түркі тіл білімінің өзекті мәселелері талқылануда

18.08.2018

Бүгін ауыл жасөспірімдерінің республикалық II жазғы спорт ойындары басталады

18.08.2018

Допинг дауынан кейін «Канело» ресми түрде қайта рингке оралды

18.08.2018

Ыбырай Алтынсариннің отбасы қолданған жәдігерлер жұрт назарына ұсынылды (ВИДЕО)

18.08.2018

Астанада мемлекеттік қызметкерлер арасында спорттық сайыс өтіп жатыр

18.08.2018

Қаламгер Сұлтан Қалиұлы дүниеден озды

18.08.2018

Бүгін Азия ойындарының салтанатты ашылуы өтеді

18.08.2018

Мыңнан аса астаналық веложарысқа қатысуда

18.08.2018

ҚМДБ еліміз қалалары бойынша айт намазының уақытын жариялады

18.08.2018

Демалыс күндері елімізде ауа райы құбылмалы болады

17.08.2018

Қазақстан Президенті «Журавлевка 1» ауыл шаруашылығы кешенін аралап көрді

17.08.2018

Роман Григорчук «Астана» клубының бас бапкерлігінен уақытша кетті

17.08.2018

Қазақстандық велотрекші әлем чемпионатының қола жүлдегері атанды

ТАҒЫ ЖҮКТЕУ
КОЛУМНИСТЕР

Қорғанбек АМАНЖОЛ, «Егемен Қазақстан»

Тілтолғақ пен тілтұтқа

Әлеуметтік желіден «Астана қаласы­ның қаракөз балдырғандары қазақша сөй­лемейтіні несі?» деген сыңайдағы сұрау­лы сөйлем, қобалжулы пікірді көзіміз шалып ойланып қалдық, қапаландық. 

Жылқыбай ЖАҒЫПАРҰЛЫ, «Егемен Қазақстан»

Ертеңгі ұрпақтың да еншісі бар

Қойнауы құт қазақ жері тәуел­сіз­дігі­міздің ширек ғасырдан асқан шежіресінде ел экономикасын тұралап қалу қасіретінен сақтап келеді. 

Қарашаш ТОҚСАНБАЙ, «Егемен Қазақстан»

Мәдениетке мән берсек...

Үйіміздің жанындағы азық-түлік сататын дүңгіршекке соңғы кезде сатушы құтаймай-ақ қойды, жиі-жиі ауысады. Бұрын тіпті мұнда сатушы қыздардың Павлодардан қатынап істейтінін естіп-біліп жүретінбіз. «Екі апта Астанада сауда жасасақ, екі апта бала-шағамыздың қасында болғанға мәзбіз. Ауылдан қалаға қатынап істеудің азабы мен машақаты мұндайды бастан өткізген адамға ғана мәлім. 

Сейфолла ШАЙЫНҒАЗЫ, «Егемен Қазақстан»

«Арбамен қоянға жетер» күн қайда?

1998 жылы Kodak фирмасында 170 мың адам жұмыс істеген екен және әлем бойынша саудаланған фотоқағаздың 85 проценті дәл осы фирманың үлесіне тиген. Небәрі бірнеше жылдың ішінде олардың бизнес-моделі жойылып, фирма банкрот болған. Бұл нені білдіреді?

Сұңғат ӘЛІПБАЙ, «Егемен Қазақстан»

Аграрлық саладағы болашақ мамандықтар

Сарапшылардың болжамдарына қарағанда, әлемдік аграрлық салада 15-20 жылдың ішінде революциялық өз­герістер жүзеге асырылады. Жаңа тех­нологиялардың шапшаң қарқынмен дамуы, ғарыш кеңістігін игеруге көптеген елдердің құлшыныс танытуы, гендік инженерия ықпалының күшеюі, азық-түлікке сұраныстың артуы, бос жатқан жерлердің азаюы секілді факторлар әлем бойынша жаңа технологиялармен қаруланған жаңа тұрпатты ауыл ша­руашылығын қалыптастырады. Сөйтіп ауыл шаруашылығы өзгерістерге барынша баяу бейімделетін ең консервативті сала деген бұрынғы түсініктің көбесі сөгіледі.

ҰҚСАС ЖАҢАЛЫҚТАР

Тағы да оқу

Пікірлер(0)

Пікір қосу