"Егеменнің" жүз жылдығында таңдаулы мақалалардың он томдығы шығады

Орталық Коммуникациялар қызметінде "Егемен Қазақстан" РГ" АҚ Басқарма төрағасы Дархан Қыдырəлі 2017 жылдың жұмыс қорытындысы мен 2018 жылға арналған даму бағыттары туралы баспасөз конференциясын өткізді. 

Егемен Қазақстан
07.02.2018 2265

Жиын барысында Дархан Қыдырəлі «Егемен Қазақстан» қолға алған қоғамдық мән-маңызы бар жобалар туралы айтты. 

Мəселен, былтыр басылым "Рухани жаңғыру" бағдарламасы аясында Халықаралық экспедиция ұйымдастырған. Сонымен қатар  "Егемен Қазақстан кітапханасы" сериясымен кітаптар жарық көрген. Газет көптеген қайырымдылық шаралар мен инвестициялық форумдарға ақпараттық демеуші болған. Биыл да басылым бірқатар жобаларды қолға алмақ. Соның ішінде наурыздан бастап газеттің атауын латын әліпбиімен жаңа дизайнда шығару жоспарланыпты.

"Наурыз айынан бастап күнделікті 16 бет көлеміне көшеміз деп жоспарлап отырмыз. Сонымен қатар жаңа қосымшалармен аптасына бір рет 24 бет шығару жоспарлануда. Сондай-ақ биыл біз үшін «Егемен Қазақстан» газетінің 100 жылдық мерейтойына дайындық жылы болады. Қазақ баспасөзінің тарихында мемлекеттік саясатты халыққа жеткізе отырып, ел үшін өзекті проблемаларды, қоғамдық мән-маңызы бар мәселелерді ұдайы назарында ұстап, 100 жылдық белесіне шығып отырған елдегі бірден бір ресми газет – «Егемен Қазақстан». Сондықтан да «Егеменнің» 100 жылдық мерейтойы республикалық деңгейде атап өтуге әбден лайық деп есептейміз", деді Дархан Қыдырəлі. Сонымен қатар оның айтуынша биыл «Егемен Қазақстан» академиясы» атты кең ауқымды жоба жүзеге асырыла бастайды. 

"Біз шетелдегі (Моңғолия, Өзбекстан және Қырғызстан) қазақ журналистеріне арнайы семинар курсын ұйымдастыруды да жоспарлап отырмыз. Бұдан бөлек жергілікті журналистерді ағылшын тілінде ақпарат тарату бойынша тағлымдамадан өткізуді, журналистика факультеттері студенттерінің кәсіби шыңдалуына мүмкіндік жасауды қолға алмақпыз. Өңірлік және салалық баспасөз құралдарына ақпараттық-әдістемелік және консультативтік-тренингтік қолдау көрсету сынды бағыттарда жұмыс істеу де жоспарымызда бар", деді Дархан Қыдырəлі. 

Конференцияда белгілі болғандай, «Цифрлы Қазақстан» бағдарламасы аясында «Егемен Қазақстан» газетінің 1919 жылдан бергі барлық нөмірлерін сканерлеп, электронды форматқа көшіру жұмыстарын аяқталуға жақын екен. Сол сияқты 1919-2019 жылдар аралығында  газетте жарық көрген таңдаулы мақалалардың 10 томдық жинағын әзірлеу ісі жалғастырылуда.  

"Егемен Қазақстан" акционерлік қоғамының ішкі құжат айналымын автоматтандырып, өндірістік-шығармашылық үдерісін электронды жүйеге көшіруді жоспарлап отырмыз. Бұдан бөлек сайтымыздың сапасын арттыру жұмыстары жалғаса беретін болады. Осы мақсатта үш тілде мультимедиалық (видео репортаждар, видео сұқбаттар әзірлеу) контентті орналастыру жоспарлануда. Қазақ тілді аудиторияның елдегі әлеуметтік-экономикалық, қоғамдық-саяси мәселелер бойынша пікірін білу әрі оқырмандармен тиімді кері байланыс орнату мақсатында республикалық масштабта кәсіби әлеуметтанушыларды тарта отырып, телефон, интервью және интернет құралдары көмегімен кешенді әлеуметтік зерттеу жүргізу де қолға алынатын болады", дей келе Дархан Қыдырəлі əлемдік, халықаралық деңгейдегі ірі ақпарат құралдарымен әріптестік байланыс орнату мақсатындағы келіссөздер жалғаса беретінін айтты.

"Біз 2017 жылы Жапонияның, Қытайдың, АҚШ пен Еуропаның, Иранның, Түркияның және Араб Әмірліктерінің белді басылымдарында болып, олардың тәжірибелерімен таныстық. Өзара ақпарат алмасу, тәжірибе жетілдіру бағытындағы ынтымақтастықтың мүмкіндіктерін талқыладық (Асахи Шимбун, ИРНА, Нью-Йорк таймс, Миллиет және т.б). Осы келіссөздер сәтімен аяқталса, авторлық құқық алу арқылы аталған шетел басылымдарының маңызды сараптамалық материалдарын «Егемен» оқырмандары да оқитын күн таяу деп ойлаймыз" деді Басқарма төрағасы. 

Сөз соңында Дархан Қыдырəлі қазақ баспасөзінің бір ғасырлық тарихы бар қара шаңырағына, отандық журналистиканың ұстаханасына айналған, сарғайған беттерінде Алаш арыстарының қолтаңбасы қалған бас басылым бүгінгі күнге осындай табыстармен және жарқын жобаларымен келіп отырғанын айтты. "Егемендіктің елең-алаңында елдігіміздің еңсесін тіктеуге атсалысып, елмен бірге жаңарып, елмен бірге өркендеп келе жатқан «Егемен Қазақстан» алдағы уақытта да елге қызмет ете беретін болады", деді Дархан Қыдырəлі.

Гүлнұр Қуанышбекқызы,
"Егемен Қазақстан".

СОҢҒЫ ЖАҢАЛЫҚТАР

17.08.2018

Қазақстан Президенті «Журавлевка 1» ауыл шаруашылығы кешенін аралап көрді

17.08.2018

Роман Григорчук «Астана» клубының бас бапкерлігінен уақытша кетті

17.08.2018

Қазақстандық велотрекші әлем чемпионатының қола жүлдегері атанды

17.08.2018

Тау туризмін дамыту қажет

17.08.2018

Еңбек ері – ұрпаққа үлгі

17.08.2018

Тарихи текетірес:Олжабай ма, Жаяу Мұса ма?

17.08.2018

Мемлекет басшысы «Агрофирма Эксимнан» ауыл шаруашылығы кешенін аралап көрді

17.08.2018

«Нұрлы жер» аясында миллионнан астам шаршы метрі пайдалануға берілді

17.08.2018

Өзбекстанға Қазақстан арқылы өтетін автокөлік ағыны көбейді

17.08.2018

Озық идеядан – өндіріске

17.08.2018

Қазақстан және Германия Сыртқы істер министрлері екі елдің ынтымақтастығын талқылады

17.08.2018

Балаларға лагерь, лагерьлерге қаражат жеткіліксіз

17.08.2018

Елбасы Ильичевка ауылындағы тұрғын үй құрылысымен танысты

17.08.2018

Нұрсұлтан Назарбаев «Тайынша май» жауапкершілігі шектеулі серіктестігіне барды

17.08.2018

«Корея» синдромы

17.08.2018

Жақсы іс жалғасын табады

17.08.2018

ШҚО-да Шәкәрімнің160 жылдығы тойланып жатыр

17.08.2018

Шекарадағы құқық бұзушылық азайып келеді

17.08.2018

Сүт өнімдеріндегі баға теңсіздігі белең алып тұр

17.08.2018

Ауыл кооперативінің артықшылығы

ТАҒЫ ЖҮКТЕУ
КОЛУМНИСТЕР

Қорғанбек АМАНЖОЛ, «Егемен Қазақстан»

Тілтолғақ пен тілтұтқа

Әлеуметтік желіден «Астана қаласы­ның қаракөз балдырғандары қазақша сөй­лемейтіні несі?» деген сыңайдағы сұрау­лы сөйлем, қобалжулы пікірді көзіміз шалып ойланып қалдық, қапаландық. 

Жылқыбай ЖАҒЫПАРҰЛЫ, «Егемен Қазақстан»

Ертеңгі ұрпақтың да еншісі бар

Қойнауы құт қазақ жері тәуел­сіз­дігі­міздің ширек ғасырдан асқан шежіресінде ел экономикасын тұралап қалу қасіретінен сақтап келеді. 

Қарашаш ТОҚСАНБАЙ, «Егемен Қазақстан»

Мәдениетке мән берсек...

Үйіміздің жанындағы азық-түлік сататын дүңгіршекке соңғы кезде сатушы құтаймай-ақ қойды, жиі-жиі ауысады. Бұрын тіпті мұнда сатушы қыздардың Павлодардан қатынап істейтінін естіп-біліп жүретінбіз. «Екі апта Астанада сауда жасасақ, екі апта бала-шағамыздың қасында болғанға мәзбіз. Ауылдан қалаға қатынап істеудің азабы мен машақаты мұндайды бастан өткізген адамға ғана мәлім. 

Сейфолла ШАЙЫНҒАЗЫ, «Егемен Қазақстан»

«Арбамен қоянға жетер» күн қайда?

1998 жылы Kodak фирмасында 170 мың адам жұмыс істеген екен және әлем бойынша саудаланған фотоқағаздың 85 проценті дәл осы фирманың үлесіне тиген. Небәрі бірнеше жылдың ішінде олардың бизнес-моделі жойылып, фирма банкрот болған. Бұл нені білдіреді?

Сұңғат ӘЛІПБАЙ, «Егемен Қазақстан»

Аграрлық саладағы болашақ мамандықтар

Сарапшылардың болжамдарына қарағанда, әлемдік аграрлық салада 15-20 жылдың ішінде революциялық өз­герістер жүзеге асырылады. Жаңа тех­нологиялардың шапшаң қарқынмен дамуы, ғарыш кеңістігін игеруге көптеген елдердің құлшыныс танытуы, гендік инженерия ықпалының күшеюі, азық-түлікке сұраныстың артуы, бос жатқан жерлердің азаюы секілді факторлар әлем бойынша жаңа технологиялармен қаруланған жаңа тұрпатты ауыл ша­руашылығын қалыптастырады. Сөйтіп ауыл шаруашылығы өзгерістерге барынша баяу бейімделетін ең консервативті сала деген бұрынғы түсініктің көбесі сөгіледі.

ҰҚСАС ЖАҢАЛЫҚТАР

Тағы да оқу

Пікірлер(0)

Пікір қосу