Қазақстан • 09 Ақпан, 2018

GetContact қосымшасы заңды бұзды - Ақпарат және коммуникациялар министрлігі

456 рет
көрсетілді
1 мин
оқу үшін

Телефонда сақталған нөмірлердегі мәліметтерден бөтен нөмірлердің кімге тиесілі екенін анықтау мақсатындағы Getcontact қосымшасы Қазақстанда ресми түрде бұғатталды, - деп хабарлайды Ақпарат және коммуникациялар министрлігі. 

GetContact қосымшасы заңды бұзды - Ақпарат және коммуникациялар министрлігі

"Қазақстан Республикасы аумағында GetContact қосымшасына шектеу қойылды, себебі жеке мәліметтерге қатысты заңбұзушылық деректері анықталды. Министрлік Қазақстанның байланыс туралы заңына сәйкес шектеу қоюға бұйрық шығарды ", - делінген хабарламада. 

Айта кетейік, Қазнет қолданушылары арасында танымалдылыққа ие болған қосымша арқылы қолданушылар таныстарының нөмірлерін тексеріп, оларға қатысты жеке мәліметтерді білген. Бұған дейін Әзербайжанда мобильді қосымшаның жұмысына тыйым салынған болатын.