Соныдан салынған соқпақ

Таяуда Қазақстан Жазушылар одағының әдебиетшілер үйінде өлең көшінде өзіндік қолтаңбасы бар белгілі ақын Биғайша Медеуованың ел Тәуелсіздігінің 20 жылдығына арналған «Ақ боз атты арулар» атты жыр кеші болып өтті. Аталған жиынды кіріспе сөз сөйлеп ашып берген Жазушылар одағы төрағасының орынбасары, халықаралық «Алаш» сыйлығы­ның лауреаты, Ғалым Жайлыбай Биғайша Медеуованың шығар­ма­­шы­лығын көптен білетіндігін жә­не оның өлеңдері мен поэма­ла­рының шынайылық шымыр­лы­ғымен әрі тәрбиелік тағы­лымы­мен тартып тұратындығын жыр­сүйер қауымның алдында жылы сезіммен баядады. Шындығында да, өткен ға­сыр­дың алпысыншы жылдары­ның аяғында өлең өлкесіне келген Биғайшаның өрлеу мен өсу белестерінде екенін оның оқыр­ман­дары орынды мақтаныш тұтады. Ол ақын болуымен қатар ұс­таз­дықтан тәжірибесі мол тарих­шы. Райымбек, Талғар, Іле аудан­да­рында педагогтік қызмет атқар­ды. Еңбегі де жеміссіз емес. «ҚР Білім беру ісінің үздігі», «Ыбы­рай Алтынсарин» атын­да­ғы ме­даль­дің иегері. Шығармашылық бастауында алды­мен айтыс өнеріне үлес қосып, содан кейін елеуге тұрар­лық үш жинақ авторы атанған Би­ғайшаның бұл жыр кешінің ма­ңыз­­дылығы мен мазмұнды­лығы жи­нал­ғандарға қоше­мет­пен қол соқтырып отырды. Оның Тәуел­сіз­дігіміздің 20 жылдығына ар­нал­ған тың ту­ындыларын му­зы­калық композициямен айшық­тап, шалқар шабытпен оқуы тың­дарман­да­рына айрықша әсер қал­дырды. Сол сияқты ақынның «ҚАЗ­ақпарат» баспа­сынан жа­қын­да ғана жарыққа шық­қан «Ақ боз атты арулар» атты жыр кіта­бы­ның тұсаукесер рәсімі де назардан тыс қалған жоқ. Биғай­шаға Жазушылар одағы тара­пынан көрсетілген сый-құр­метке көрер­мен көпшілік асқан риза­шылық­тарын білдірді. Жиналғандар ақынның «Тә­уел­сіздік толғауы», «Айша бибі, саған келе жатырмын», «Үлкен Түркістан», тағы басқа поэма­ла­ры мен көптеген өлең­дерін оқы­ған Б.Медеуоваға сәт­тілік тіледі. Мұн­да Т.Жүргенов атындағы Өнер академия­сы­ның, әл-Фараби атындағы Қа­зақ Ұлттық универ­ситетінің сту­денттері мен Ал­маты қала­сындағы Мұқағали Мақатаев атындағы мектеп шә­кірттері ақын кешінің ойдағыдай өтуіне бар қабілет-қарымдарын жұм­сады. Сон­дай-ақ, осы жыр кешінде сөз алған Талғар ауда­нының құрметті азаматы, еңбек ардагері Мұхтар Әлімов, ақын Айтақын Әбдіқал сияқты аға­лар оған жыр жолында бұдан да жоғары жетістіктерге жетуіне тілектестіктерін білдірді. Қанат ТӘКЕБАЕВ. Алматы.