Жаңарған көпір

Тоғыз жолдың торабындағы буырқанған Қаратал өзеніндегі жарты ғасыр бұрын салынған көпірдің тіректері мүжіліп, апатты жағдайда екендігі анықталып, жөндеу жұмысы басталған еді. Енді жаңарған көпір ел игілігіне беріліп, облыс әкімі Аңсар Мұсаханов талдықорғандықтарды қуанышымен құттықтады. Көпір құрылысына бюджеттен 415,9 млн. теңге бөлінсе, биылғы маусым айында «Талдықорған Строй Проект» жауапкершілігі шектеулі серіктестігі жобалық-сметалық құжаттарын әзірлеген соң жөндеу жұмыстары бастал­ған. Бар жұмысты «Асыл Жас» серіктестігі бес айда жаңа техно­ло­гияларды қолдану арқылы сапалы атқарды. Жаңа көпірдің ұзындығы – 152, ені 3,5 метрге кеңейтіліп, кө­лік өткізу, жүк көтеру мүмкіндігі едәуір артқан. Осылайша ав­то­көлік құралдарының және жаяу жүргін­шілердің қауіпсіздігі толық қам­тыл­ғанына тұрғындар дән риза. Көлік және жаяу жүргінші жүретін бөліктері де кеңейтіліп, көпір құрылымы берік және жа­рық­тандыру құрылғыларымен қам­­тылған. Көп жұмыс жасалды. Жаңа көпірдің айырмашылығы ескісінің ені 7 метр болса, қазіргісі 12 метр. Көпірдің қазықтарын ашып, бетондап, кеңейтіп, қайта көтердік. Ригель темірді қайта құйдық. Бұл көктемгі тасқын кезінде де еш қиындық туғызбайды, деді «Асыл Жас» серіктестігінің директоры Қазыбек Жұмагелдиев. Жиналғандар тақтайдай түзу жолмен «бәрекелді!» деп жақсы тілек айтып, жүріп өтті. Қарсыдан ақжол тілеген періште пейілдегі бүлдіршіндер жүгіріп шықты. Әжелер дәстүрге сай шашу шашып, жеті нанын үлестірді. Жаңаның аты қашанда жаңа. Автокөліктер әрі-бері жүйткіп өтіп жатты. Күмісжан БАЙЖАН. Алматы облысы.