Бейнематериалда барлық тиімді бизнес процестерді автоматтандыру мен инновациялық IT-сервистерді қолданудың жарқын үлгісі көрсетілген және бұлтты қызметтің ең басты бағыттарының бірі «Microsoft Power BI» бизнес-сараптамасы жайында айтылған.
«Microsoft» ҚазҰУ-дың стратегиялық әріптесі бола отырып, өзге әлемдік ЖОО арасында университеттің IT технологиялар мен бұлтты сервис жұмысын тиімді қолданғанын жоғары бағалады. Компания сарапшыларының пікірінше, енгізілген сараптамалық жүйе университеттің қызметін жаңа сапалы сандық деңгейге көтерген.
Айта кету керек, өткен жылы Редмонд штаб-пәтеріндегі (АҚШ) «Microsoft Campus Connections» саммитінде ҚазҰУ ТМД елдерінің ЖОО-лары арасынан «E-campus» жобасын ұсынған жалғыз оқу орны болып, компания өкілдері мен шетелдік жоғары оқу орындарының қызығушылығын тудырды. Ал биыл сәуір айында ҚазҰУ Лондонда (Ұлыбритания) өтетін саммитте IT- саласындағы өз тәжірибесімен бөлісетін болады.
Бейнематериалды мына сілтеме бойынша көруге болады:
https://customers.microsoft.com/en-us/story/al-farabi-kazakh-national-university-powerbi-office365-russian-kazakhstan).
ҚазҰУ-дың баспасөз қызметі
