Ержан Салтыбаев: Нақты қажеттіліктерді ескерген бастама

Президент жариялаған бес бастаманың әрқайсысы өзінің мазмұны бойынша айқын. Олар мемлекеттің әлеуметтік саясат жүйесінің, көптеген мемлекеттік ресурс­тар бағытталған, нақты бел­гіленген салалардың (жоғары білім беру, тұрғын үй құрылысы, т.б.) ай­тар­лықтай жаңаруын білдіреді.

Біріншіден, ипотекалық кредиттеу қайта жандандырылуда. Ел үшін қиын экономикалық жағдайларға қарамастан, мемлекет ғаламат шаралар қолдануда. «7 – 20 – 25» бағдарламасы аясында ипотеканы арзандату – бұл жүз мыңнан астам жас отбасылар үшін тиімді мүмкіндік.

Екіншіден, жалпы жаңғырту жолына білім беру гранттарын көбейту жоспарланған. Жаңа 20 мың бюджеттік грант, ең алдымен, ауыл жастарының жо­ғары білім алуына жол ашады. Цифрландыру трендтерімен ілесетін индустриялық даму үшін қажет инженерлік-техникалық кадрларды дайындауға аса ерекше көңіл бөлінеді.

Үшіншіден, тұрғын үй құры­лысы мен банк секторларын қол­дау арқылы барлық экономи­калық жүйе үшін мультип­лика­тивтік нәтижеге бір мезгілде қол жеткізіледі. Жалпы құрылыс индустриясында жаңа өсімді күтуге болады. Бұл он мыңнан астам жаңа жұмыс орындарының пайда болатынын білдіреді.

Төртіншіден, микрокредит­теуді, қамтуды жыл сайын 7 мыңнан 14 мыңға дейін ұлғайтып, екі есе көбейту өзін-өзі жұмыспен қамтыған халықтың мәселелерін шешуге мүмкіндік береді.

Қазіргі таңда Қазақстан са­лық салу мөлшерлемесі төмен мем­лекет екенін айтып өткен жөн. Бірақ салық жүктемесін жалақы­сы төмен адамдар үшін 10 есе, яғни 1%-ға дейін төмендету – мем­лекет тарапынан жасалған түбе­гейлі шара, 2 млн-нан астам адам сол ш­араның бенефициарларына айналады. Жалпы алғанда, заманауи әлем жағдайларында Елбасының бастамаларына тең­дес шаралар жоқ.

Президент елімізге Конс­титуцияда берілген анықтаманы – әлеуметтік мемлекетті – сөзбен емес, іспен шын мәнінде жүзеге асыруда. Ұзақмерзімді тұрақты даму үшін берік негіз болып табылатын адам капиталының өсуіне алғышарттар мен еліміз­дің барлық азаматтары үшін сапалы әлеуметтік жағдайлар жасайтын бүгінгі бастамалар сол анықтамаға толықтай сәйкес келеді.

Ержан САЛТЫБАЕВ,
Қазақстан Республикасының Тұңғыш Президенті – Елбасы Қоры жанындағы Әлемдік экономика және саясат институтының (ӘЭСИ) директоры