Құрманғазыны ел болып құрметтеу парыз

Алайда ұлттық мұрамыз­дың жан­дануына теңдессіз үлес қос­қан ұлы күйші-ком­по­зиторға ар­налған іс-шараның ұлан-бай­тақ еліміздің бір ғана ба­тыс өңі­рімен шектелуі еш қи­сын­­ғ­а кел­мейді. Басқа өңірлер Құр­ман­ғазыға жат па еді?

Күй ұлтымыздың үні мен сөзі болған, халқымыз дү­ние­ге әкел­ген көр­кем құн­ды­­­лық­тардың шы­ңы. Ал Құр­манғазы ұлт мә­де­ниетінің асыл қазынасына өл­шеу­сіз үлес қосқан, әлемдік дең­гей­­ге шығар­ған өнер иесі. Хал­қы­­­мыз үшін күй мен Құр­манғазы есімі бір-бірі­мен ас­тасып кеткен ұғым. Құр­ман­ғазы бір облыстың не­месе бір аймақтың перзенті емес. Ол ұлтымызға, елімізге ор­тақ, адамзат мәдениетінің та­ри­хын­­да өшпес із қалдырған тұлға.

Құрманғазы Сағырбайұлы­ның 200 жылдығын атап өту күй­­шіні ұлықтау ғана емес ең алды­мен халқымыздың төл өнері – күй­ді ел іші мен шет мемлекет­терде кеңінен насихаттау мақсатын көздеуі керек. Елбасы өзінің мақа­ла­сында: «Халқымыздың тарихи, өміршең тәрбие берер­лік музыкалық мұра­ла­рын айт­қанда даңқты бабамыз Құр­манғазыға соқпай өте алмаймыз. Құрманғазы күйлерін өз елімізде ғана емес, шетелдер арасында да насихаттамай әлемдік өркениеттің көшіне ілесу қиын», – деген еді.

Сондықтан Құрманғазы Сағыр­байұлының 200 жыл­дығын мем­лекеттің мәде­ниет са­ла­сындағы әлеу­мет­тік ма­ңызы бар іс-шарасы мәр­те­бесінде өт­кізу қа­жет. Бұған рес­­пуб­ли­­каның барлық ай­мақ­та­ры, мәдениет пен ішкі сая­сат жә­не ақпарат саласындағы, бас­қа да мем­ле­кет­тік органдар жұмыл­ды­рылуы ке­рек.

«Болашаққа бағдар: рухани жаңғыру» мақаласында Елба­сы Құрманғазының күйлері ғасыр­лар қойнауынан жеткен бабалар үні екенін атап көр­сет­кен. Сондықтан күйшіні мем­лекеттің бір аймағында ғана еске алу қоғамда кеңінен тал­қы­ланып, сынға алынып жүрген жер­шілдікті қолмен жасаған­дай әсер қалдырары да сөзсіз.

Осы айтылғандарға байла­ныс­­ты біз Үкімет басшысы Ба­қыт­­жан Сағынтаевтың атына де­путаттық сауал жолдап, тө­мен­дегі шараларды өткізуді ұсын­­дық:

- Құрманғазы Сағырбайұлы­ның 200 жылдығын респуб­ли­ка­ның барлық аймақтарында атап өту­дің кешенді іс-шаралар жос­парын дайындау;

- Шетелдерде, оның ішін­де Тәу­елсіз Мемлекеттер Достас­ты­ғы елдерінде кеңінен насихаттау жұ­мыс­тарын жүргізу;

- Құрманғазы атындағы Қазақ мем­лекеттік академия­лық халық аспаптары оркестрі­нің гастрольдік сапарларын ұйым­­дастыру. Оның ішінде күй­­ші жерленген Ресей Феде­ра­циясының Астрахань облысында арнайы концерттер өткізу;

- Қазақстан Республикасы мүше болып табылатын халық­ара­лық ұйымдар мен парла­ме­нт-
аралық байланыс алаңдарын пай­далану арқылы қазақ күй өне­рі мен күйші өмірін насихаттау;

- халықаралық, респуб­ли­ка­лық деңгейдегі байқаулар өт­кізу;

- күйшінің өмірі мен шы­ғар­ма­шылығына арналған ғы­лыми-прак­тикалық конфе­рен­ция­лар жә­не басқа да танымдық іс-ша­ра­лар ұйымдастыру;

- республикалық бюджетті нақтылау кезінде осы шараға қажетті қаржы көзін қарастыру;

Күй атасын ел болып құр­мет­­теу басты парызымыз екенін ұмыт­паған жөн.

Сәрсенбай ЕҢСЕГЕНОВ,

Сенат депутаты