Әлем • 04 Сәуір, 2018

YouTube штаб-пәтері маңайында атыс болды

251 рет
көрсетілді
1 мин
оқу үшін

3 сәуір күні Сан-Брунодағы YouTube штаб-пәтерінде атыс болып, бірнеше адам оққа ұшты. Бұл туралы Fox News, CNN, CBS News сияқты америка арналары хабарлап жатыр.

YouTube штаб-пәтері маңайында атыс болды

Қара көйлек киген бейтаныс әйел оқ жаудырған. БАҚ мәліметінше, ол өзінің жігітіне оқ атып, ішінен жаралаған. Артынша әйел өзін де атып өлтірген. Атыс 1700-ге жуық қызметкер жұмыс істейтін YouTube офисіне жақын орналасқан кафе маңайында болған. Оққа ұшқан жігіттен бөлек тағы үш адам жарақат алған. Видеосервистің өзге қызметкерлері қауіпсіз маңға көшірілді. Полиция қызметкерлері ауданды қоршап, бақылауға алды.

АҚШ Президенті Дональд Трамп өзінің Twitter парақшасында Калифорниядағы атыс туралы хабардар екенін мәлімдеп, жарақат алғандарға қолдау білдірді.