Шығыс Қазақстан облысының әкімі Бердібек Сапарбаев бұған дейін өзінің орынбасары болған Түсіпхан Түсіпбековті «Нұр Отан» партиясы филиалы аппараты жиынында облыстық филиал төрағасының бірінші орынбасары қызметіне тағайындады.
– Біраздан бері «Нұр Отан» ХДП облыстық филиалы төрағасының бірінші орынбасары лауазымы бос тұрған. Біз Президент Әкімшілігі, партияның Орталық аппараты келісімімен осы орынға мемлекеттік қызметте шыңдалған, тәжірибелі де білікті басшы, бұған дейін бірнеше облыстық басқармаларды, ауданды басқарған, екі жылдай менің орынбасарым болып жемісті жұмыс жасаған Т. Түсіпбековті осы жауапты қызметке қоюды ұйғардық, – деді өңір басшысы.
Партияның беделі жоғары болуы тиіс. Жақында еліміз Тәуелсіздіктің 20 жылдығын атап өтпек. Арғы жағында Парламент сайлауы тұр. Ел мен жердің абыройын арттыру үшін аянбай еңбек ету қажет. «Елбасының партиясы әрқашан халықпен бірге болуы үшін жұмыс жасай береміз», – деді Т. Түсіпбеков сенім артқаны үшін аймақ басшысына алғысын білдіре келіп.
Оңдасын ЕЛУБАЙ,
Өскемен.