Президент • 08 Сәуір, 2018

Нұрсұлтан Назарбаев қазақстандықтарды Пасха мерекесімен құттықтады

272 рет
көрсетілді
1 мин
оқу үшін

Мемлекет басшысы Нұрсұлтан Назарбаев қазақстандықтарды Пасха мерекесімен құттықтады, деп хабарлайды Ақорданың баспасөз қызметі. Назарларыңызға құттықтау мәтінін ұсынамыз.

Нұрсұлтан Назарбаев қазақстандықтарды Пасха мерекесімен құттықтады

Қымбатты отандастар!

Баршаңызды жарқын мереке - Пасхамен шын жүректен құттықтаймын!

Көктемнің осы күні әлемнің әр түкпіріндегі адамдардың жүрегі ерекше жылылыққа, қуаныш пен үміт сезіміне бөленеді. Пасха мейрамының символдары саналатын махаббаттың мәңгілік құндылықтары, қайырымдылық пен мейірімділік - еліміздің бүкіл тұрғыны үшін қымбат әрі қастерлі.

Барлық конфессия өкілдерінің өзара үйлесімді ықпалдастықта болып, бейбіт еңбек етуі - Қазақстанның басты байлығы. Біз мұны көздің қарашығындай сақтап, әрі қарай дамыта беруіміз керек.

Жаңару мен жақсылыққа деген сенімді білдіретін бұл мерейлі мереке қоғамымыздың барлық саласында жүріп жатқан жаңғырумен үндеседі. Жоғары адамгершілікті дәріптейтін Пасха мейрамының мән-маңызы игі істерге жетелеп, біздің өміріміздің гуманистік негіздерін нығайта түседі.

Баршаңыздың шаңырақтарыңызда татулық пен тыныштық болсын!

Сіздерге зор денсаулық, бақыт, бақ-береке тілеймін!