«Болашақта біздің инженер-түлектер жұмыс берушінің ойынан шығатындай болуы керек. Мен Рудный индустриалды институты мен «СарыАрқа АвтоПром» зауытының ынтымақтаса жұмыс істеуіне күш салған едім, оның нәтижесін бүгін көріп отырсыздар – студенттер өндірісте үйреніп жүр» деді Альберт Рау.
Сонымен қатар Мәжіс депутаты әлемдегі экономика Индустрия 4.0 жолымен дамып бара жатқанын айтты. Сондықтан Елбасы өзінің Жолдауында осы мәселені айырықша міндет етіп қойды. Экономика дамуында бастан кешіретін тәуекелдер де, қиыншылықтар да болмай қалмайды. Сондықтан тездетіп экономиканың барлық саласын цифрландыруды да енгізу уақыт талабына айналды.
– Біз Индустрия 4.0 тек өндіріспен ғана байланысты деп ойлаймыз. Жоқ олай болмайды, ол барлық салада қолданылуы тиіс. Ол инфрақұрылымдарда, электронды үкімет жасауда, кадрлар даярлауда да белсенді пайдаланылуы керек. 2022 жылға қарай Қазқстан тұрғындарының 82 пайызы интернетті қолданатын болады, – деді Альберт Павлович.
Нәзира Жәрімбет,
«Егемен Қазқстан»
Қостанай
